تاماشا كورىنىستى جاڭا قوزعاۋشى كۇشكە اينالدىردى (ومىرشەڭدىك كۇشكە تولى جۇڭگونى تەكسەرۋ - زەرتتەۋ ساپارى)

بيىلعى مەملەكەت مەرەكەسى، جۇڭچيۋ مەرەكەسى دەمالىسىندا، فۋجيان ولكەسىنىڭ مادەنيەت، ساياحات كاسىبى دۋمانعا بولەندى. ءۇش بازار، جەتى كوشەدە جۇرگىنشىلەر ايگىلى ادامداردىڭ بايىرعى تۇراعىندا ايالداپ، بايىرعى اۋەندى سەزىندى؛ پيڭتان تەڭىزىنىڭ جاعاسىندا ساياحاتشىلار كەمەجايدا ساياحات كەمەسىنە شىعىپ، تولقىننىڭ تولقىن قۋعانىن سەزىندى؛ شياپۋ قايراڭىندا فوتو سۋرەت اۋەسكەرلەرى ىركەس تىركەس كەلىپ، كوركەم كورىنىستى سۋرەتكە ءتۇسىردى... فۋجياننىڭ بايتاق دالاسىندا تاۋ مەن تەڭىز ءبىر- بىرىنە ارقا سۇيەپ، كوركەم كورىنىس كوز ايدىن بولدى.

2024 - جىلى 10 - ايدا، باس شۋجي شي جينپيڭ فۋجياندا قىزمەت تەكسەرگەندە بىلاي دەپ باسا دارىپتەدى: "مادەنيەت پەن ساياحاتتىڭ ىشكەرىلەي توعىسا دامۋىن ىلگەرىلەتىپ، مادەنيەت، ساياحات كاسىبىن تىرەكتى كاسىپ سالاسى ەتىپ جەتىلدىرۋ كەرەك".

وزگەشە جاراتىلىستىق قاسيەت پەن تەرەڭ گۋمانيتارلىق نەگىزگە سۇيەنىپ، فۋجيان ولكەسى مادەنيەت پەن ساياحاتتى توعىستىرۋدى جەدەل ىلگەرىلەتىپ، "تاماشا كورىنىستى" "جاڭا قوزعاۋشى قۋاتقا" اينالدىرىپ، مادەنيەت پەن ساياحات ەكونوميكاسىنا تاسقىنداعان ومىرشەڭدىك كۇش ۇستەدى.

ءبىر مادەنيەت كوشەسى قالانىڭ مادەنيەت جۇلگەسىن ساقتاپ قالۋمەن بىرگە، بازاردىڭ قوزعاۋشى كۇشىن دە جانداندىردى.

فۋجوۋدىڭ يانتايشان تاۋىنداعى تاريحي سالت سانا رايونىندا سەيىلدەپ، قىزىل كەرپىشتىڭ بايىرعى اماناتىنىڭ قوڭىراۋ ءۇنى مەن وسى زامانعى كوفەحاناداعى حوش ءيىس توعىستى. وتانشىلدىق جولىنداعى ءبىر تاريحي عيماراتتا "مينجياڭ كەشكى حيكاياسىن" نەگىزگى تاقىرىپ ەتكەن شوگۋ فورماسىنداعى كوركەمونەر كورمەسى وتكىزىلۋدە، تولىق كەسكىندى پروەكتسيالاۋ تەحنيكاسىنان پايدالانىپ كونە فۋجوۋ كەمەجايىنىڭ كورىنىسىن قايتا ەلەستەتىپ، ءبىر ايدا ەكسكۋرسيالاۋشىلاردى 50 مىڭ ادام - رەتتەن استام باۋرادى؛ جاقىن ماڭداعى لىچۇن جولىندا كونە كينو تەاترحاناسىنان وزگەرتىلگەن يانتايشان مادەنيەت - كوركەمونەر ورتالىعىندا كوپتەگەن جاس كوركەمونەرشىلەر وسى ارادا بىرلەسىپ كورمە اشىپ، جاڭا كوركەمونەر كورۋ ورنىنا اينالدى؛ ساڭچيان جولىنداعى قىزىل كەرپىش اتتى عيماراتتا فۋجوۋ جۇپارگۇل شايىن نەگىزگى تاقىرىپ ەتكەن جاڭا ۇلگىدەگى شاي دۇكەنى ءداستۇرلى شاي ونەرىن وسى زامانعى سۋسىن جاساۋمەن ۇشتاستىردى، كونە پوچتا مەكەمەسى وزگەرتكەن "پوچتا كوفەسى" ەرەكشە پوچتا تاڭباسى ارقىلى الارمانداردى دۇكەنگە بارۋعا باۋرادى.

ايبىندى مادەنيەت ءمانى فۋجوۋ مادەنيەت ساياحات بازارىنىڭ جاندانۋىنىڭ تەرەڭ ءمانى بولدى.

فۋجوۋدىڭ ءداستۇرلى كيىم - كەشەك ونەرى "ءۇش تۇيرەۋىش" توراپ الەمىن شارپىپ، فۋجوۋ مادەنيەت ساياحاتىنىڭ جاڭا "اعىن قۇپيا سيفرىنا" اينالدى؛ «ەڭ كوركەم جۇپارگۇل» سياقتى ءبىر توپ شوگۋ ۇلگىسىندەگى ساياحات ويىندارى ساياحاتشىلاردىڭ جاقسى باعاسىنا يە بولدى؛ بۇعازدىڭ ۇلتتىق سالت - سانا مادەنيەت قيمىلى سياقتى 150 رەتتەن استام بەيزاتتىق مادەنيەت مۇرالارى تاقىرىپتىق قيمىلىن وتكىزىپ، كوشەلەردەگى ادامداردىڭ جىگەرىن تاسقىنداتىپ، تۇتىنۋ ورلەۋىن كوتەردى.

تەڭىز ارالىنداعى شاعىن قالا شەكسىز كورىنىسكە تولى بولۋمەن بىرگە، ءلاززاتتى بەينە سيلادى.

كۇن باتقاندا تەڭىز بەتىندەگى جەل باياۋ سوعىپ تۇر. پيڭتان ۋنيۆەرسالدى تاجىريبە رايونى دۇڭ-اۋ ورتالىق بالىقشىلىق پورتىنىڭ 22 - ءنومىرلى ساياحات كەمەسى كەمەجايىندا قىزمەتكەر جوۋ يادي ماي شۇمەگىن بۇراپ، موتور داۋىسىن گۇرىلدەتىپ، ساياحاتشىلاردى تيەگەن موتورلى قايىعىمەن زىمىراپ بارادى، تەڭىز سۋى شاشىراپ، اۋەدە شاتتىق ءۇنى ەستىلەدى.

"بيىلعى مەملەكەت مەرەكەسى، ورتاڭعى كۇز مەرەكەسى دەمالىسىندا ساياحاتشىلار ەرەكشە كوبەيدى، ءار كۇنگى قىزمەت كۇن ءتارتىبى ەرەكشە قاربالاس بولدى!" دەدى جوۋ يادي كۇلىمسىرەي. بىلتىر ىسكە قوسىلعان 22 ءنومىرلى ساياحات كەمەسى كەمەجايىندا 49 كەمە تۇراعى سالىنىپ، جەلكەندى كەمە، ساياحات كەمەسى، تولقىن جاساۋ كەمەسى، موتورلى قايىق سياقتى الۋان ءتۇرلى تەڭىزدەگى ويىن تۇرلەرى نىساندارى ەنگىزىلىپ، پيڭتان تەڭىز جاعالاۋى ساياحاتىنىڭ جاڭا بەلگىسىنە اينالدى. "مىنا جەردە، ساياحات كەمەسى ساياحاتى بۇقارانىڭ سەيىل سەرۋەن بەتالىسىنا قاراي ۇزدىكسىز دامۋدا" دەدى پيڭتان جالپىلىق تاجىريبە رايونى مادەنيەت ساياحات دامۋ توبى شەكتى سەرىكتەستىگى پارتكومى شۋجيىنىڭ ورىنباسارى، باس مەڭگەرۋشىسى لين يان.

حۋيانداۋ ارالىنداعى "68 شاعىن قالاشىقتا" دۋمانعا بولەندى. مادەنيەت بازارىندا ەرتە زامانعى جەر جاڭعاعى كامپيتى، جاڭادان جاسالعان بالىق دومالاعى سياقتى ءدامدى تاعامدار ساياحاتشىلاردى وزىنە باۋرادى. ءتۇن شىمىلدىعى تۇسكەندە، قايراڭداعى اشىق تەاترحانادا تەڭىز ارالى مۋزيكا مەرەكەسى وتكىزىلىپ، ادامدار جۇلدىز اسپان استىندا مۋزيكاعا بالقي ىرعالا بيگە باسىپ، تەڭىز جەلى مەن مۋزيكانىڭ توعىسۋىنان بارىنشا ءلاززاتتاندى.

"ارالدى اينالىپ ساياحاتتاۋدان" باستاپ، پيڭتان تەڭىزىندەگى ساياحات راديۋسى ۇزدىكسىز كەڭەيۋدە. بيىل الدىڭعى جارتى جىلدا پيڭتان 5 ميلليون 405 مىڭ 400 ادام رەت ساياحاتشى قابىلداپ، ساياحاتشىلار ساياحاتتاۋعا 5 ميلليارد 532 ميلليون يۋان قارجى جۇمساپ، 2024 جىلعى ۇقساس مەزگىلدەگىدەن جەكە جەكە %13.2 جانە %17.3 ارتتى.

ءبىر جاقتىڭ تاۋ وزەندەرى مەن گۋمانيتارلىق كورىنىستەرى ەكولوگيالىق نەگىزدى ساقتاۋمەن بىرگە، مادەنيەت پەن ساياحاتتىڭ جارقىن تۇيىندەرىن قالىپتاستىردى.

پۋتيان ليچىڭ رايونى بەيدا قىستاعىندا ون نەشە وقۋشى اعاش تۇبىندە وتىرىپ، جەتەكشى مۇعالىمنىڭ پۋتياننىڭ مادەنيەت نەگىزىن بايانداۋىن تىڭدادى.

بەيدا قىستاعى سۋدان پايدا بولعان، ليجى جەمىسىمەن اتى شىققان. جەرگىلىكتى ورىن 1500 تۇپتەن استام ليجى اعاشىنا سۇيەنىپ "ليلينشۇي اۋىلى" باقشاسىن سالدى، وزەن ارناسىندا قايىقپەن سەيىلدەپ، اينالاداعى ليلين قاۋلاپ وسكەن ليجى ورمانىن كورگەنىڭىزدە، ادام بەينە "قايىق تولقىن جارىپ، ادام سۋرەت ىشىندە ساياحاتتايتىن" كوڭىلدى سەزىمگە بولەنەدى.

بەيدا قىستاعىنىڭ دامۋى، ءبىر جاعىنان، مىڭ جىلدىق ليجى ورمانىنىڭ ەكولوگيالىق قاسيەتى باسىمدىعىن تياناق ەتسە، ەندى ءبىر جاعىنان، "ليجى" مەن "جىگەردى تاسقىنداتۋدى" ءوزارا ۇشتاستىرىپ، زەرتتەۋ ۇيرەنۋ قيمىلىن بەلسەنە ورىستەتىپ، جوعارى مەكتەپتەردىڭ نەگىزگى تاقىرىبىن باقشاعا ەنگىزدى. ليچىڭ رايونى شيتيان - ۋي قالاشىعى پارتكومىنىڭ شۋجيى چىن جۇن بىلاي دەدى: "قازىر بەيدا قىستاعىنىڭ كوللەكتيۆ شارۋاشىلىعى جىلىنا ورتا ەسەپپەن %30 ارتىپ، ەكولوگيانى قورعاۋ مەن كاسىپ سالاسىنىڭ دامۋى تاماشا اينالىم قالىپتاستىردى".

ەڭ العاشقى 2 دەن دامىپ قازىرگى 670 كە جەتتى، نيڭدى شياپۋ حالىقتىق تۇسەلحاناسى ازدان كوبەيىپ، باردان ساپالىلانىپ، الەۋمەتتىك قىزمەت وتەۋ دەڭگەيىن جوعارىلاتىپ، ساياحاتشىلاردى اتتاندىرعاننان كەيىن تاعى دا ساياحاتشى قابىلداۋعا ساقاداي ساي تۇردى. شياپۋ حالىقتىق تۇسەلحاناسىنىڭ بىلتىر تۇتاس جىلداعى تيجارات سوماسى 400 ميلليون يۋاننان اسىپ، 20 مىڭ ادام حالىقتىق تۇسەلحاناعا قاتىستى كاسىپتەرمەن شۇعىلداندى.

"بۇل مەنىڭ شياپۋعا 2 رەت كەلۋىم، وسى 2 كۇندە اۋا رايى جاقسى، كۇننىڭ شىعۋى وتە ادەمى كورىنەدى ەكەن". گۋاڭدۇڭنان كەلگەن ساياحاتشى جىڭ جياشين بىلاي دەدى: "بۇل اراداعى حالىقتىق تۇسەلحانانىڭ باعاسى ارزان ەكەن، تىك ۇشاققا وتىرىپ اسپانعا كوتەرىلۋدى سەزىنۋگە بولادى دەگەندى ەستىپ، سىناپ كورۋگە دايىندالىپ جاتىرمىن".

" ءبىز حالىقتىق تۇسەلحانانىڭ ’ءبىر جىلدا ءبىر باعا بەلگىلەۋ، تۇتاس جىلدا باعا قوسپاۋ‘ ۇلگىسىن جالپىلاستىرىپ، ساياحاتشىلاردىڭ سەزىنۋىن جاقسارتىپ، ساياحاتشىلاردىڭ كوڭىلدى ويناۋىنا، كوڭىلدى تۇرۋىنا مۇمكىندىك جاساۋدامىز" دەدى شياپۋ اۋداندىق ۇكىمەت پارتيا باسشىلىق گرۋپپاسىنىڭ مۇشەسى، اۋدان اكىمىنىڭ ورىنباسارى جىڭ شينشۋان.

مەملەكەت مەرەكەسى، ورتاڭعى كۇز مەرەكەسى دەمالىسىندا فۋجيان ولكەسى 46 ميلليون ادام رەتتەن استام ساياحاتشى قابىلداپ، ساياحاتشىلار ساياحاتتاۋعا 38 ميلليارد 800 ميلليون يۋاننان استام قارجى جۇمساپ، تاعى دا تاريحتاعى ەڭ جوعارى ورەنى جاراتتى. تاۋ تەڭىز گۋمانيتارلىق ىستەرى بىرگە كەسكىندەگەن مادەنيەت ساياحات جاڭا تاراۋى ءتىپتى دە كوپ ساياحاتشىنى فۋجيانعا بارىپ، تاماشا ەستەمەلەردى قالدىرۋعا باۋراۋدا.

كەلۋ قاينارى: حالىق تورابى