താലോലം പൈതൽ

താലോലം പൈതൽ താലോലം
താമര പൂന്തൊട്ടിലിലാലോലം
പൂമിഴിയിൽ പൊൻ‌കിനാവിൻ
തേൻ കിനിഞ്ഞു നീയുറങ്ങൂ
(താലോലം...)

അമ്മിഞ്ഞ പാൽ നുരയോലും
ചുണ്ടിൽ ചിരി വിരിയും
തുമ്പക്കുടത്തിനു തങ്കക്കുടത്തിന്
ഉമ്മ കൊടുത്തമ്മ പോകും ഈ
പഞ്ചമി ചന്ദ്രിക പോകും
(താലോലം...)

കൂട്ടിലെ കുഞ്ഞി ക്കിളിക്കും
കാട്ടിലെ കുരുവികൾക്കും
കാണാതെ ചൊല്ലുവാൻ
ഈണങ്ങളൊരോന്നു
പാടിക്കൊടുത്തമ്മ പോകും
ഈ മാണിക്ക്യ കുയിലമ്മ പോകും
(താലോലം...)