ഈശ്വരനെ തേടിത്തേടി പോണവരേ

ഈശ്വരനെത്തേടിത്തേടിപ്പോണവരേ
ശാശ്വതമാം സത്യം തേടിപ്പോണവരേ ...

ഈശ്വരനെത്തേടിത്തേടിപ്പോണവരേ
ശാശ്വതമാം സത്യം തേടിപ്പോണവരേ - നിങ്ങൾ
മനുഷ്യപുത്രനു കൊണ്ടുവരുന്നതു മരക്കുരിശല്ലോ
ഇന്നും മരക്കുരിശല്ലോ

എവിടെയുമെവിടെയും പൊയ്മുഖങ്ങൾ
എങ്ങും വേതാളനൃത്തങ്ങൾ (2)
ഇവിടെ മനുഷ്യനെ തേടുമെനിക്കൊരു
മെഴുകുതിരിക്കതിർ നൽകുവതാരോ
ആരോ... ആരോ....
(ഈശ്വരനെത്തേടി....)

കണ്മുൻപിൽ നിന്നുചിരിക്കും നിങ്ങൾ
കാണാതെ വന്നു കഴുത്തു ഞെരിക്കും (2)
ഇവിടെ മനുഷ്യനുയിർത്തെഴുന്നേൽക്കാൻ
മൃതസഞ്ജീവനി നൽകുവതാരോ
ആരോ... ആരോ.....

ഈശ്വരനെത്തേടിത്തേടിപ്പോണവരേ
ശാശ്വതമാം സത്യം തേടിപ്പോണവരേ - നിങ്ങൾ
മനുഷ്യപുത്രനു കൊണ്ടുവരുന്നതു മരക്കുരിശല്ലോ
ഇന്നും മരക്കുരിശല്ലോ
​ഈശ്വരനെത്തേടിത്തേടിപ്പോണവരേ