താങ്കളുടെ നിർദ്ദേശങ്ങൾ അറിയിക്കൂ

1990 നവംബർ 30 -ന് ഡൽഹിയിൽ ജനിച്ചു. ഡൽഹി സെന്റ് മാർക്ക്സ് സീനിയർ സെക്കന്ററി പബ്ലിക് സ്ക്കൂളിലായിരുന്നു രാശി ഖന്നയുടെ പ്രാഥമിക വിദ്യാഭ്യാസം. തുടർന്ന് ലേഡി ശ്രീറാം കോളേജിൽ നിന്നും ഇംഗ്ലീഷ് ബിരുദം നേടി. പഠനത്തിനുശേഷം പരസ്യ കമ്പനിയിൽ കോപ്പിറൈറ്ററായി ജോലിയിൽ ചേർന്നു. പിന്നീട് പരസ്യ ചിത്രങ്ങളിൽ അഭിനയിക്കാൻ തുടങ്ങി.പരസ്യ ചിത്രങ്ങളിലൂടെയാണ് രാശി ഖന്ന സിനിമയിലെത്തുന്നത്.

2013 -ൽ മദ്രാസ് കഫെ എന്ന ഹിന്ദി ചിത്രത്തിലൂടെയാണ് രാശി ഖന്ന അഭിനയരംഗത്തെത്തുന്നത്. ആ വർഷം തന്നെ മനം എന്ന സിനിമയിലൂടെ തെലുങ്കിലും അരങ്ങേറി. 2017 -ൽ വില്ലൻ എന്ന സിനിമയിലൂടെയാണ് രാശി ഖന്ന മലയാളത്തിലെത്തിയത്. 2021 -ൽ ഭ്രമം എന്ന സിനിമയിലും അഭിനയിച്ചു. മലയാളം,തമിഴ്,തെലുങ്ക്, ഹിന്ദി ഭാഷകളിലായി മുപ്പതോളം സിനിമകളിൽ അഭിനയിച്ചിട്ടുണ്ട്. രാശി ഖന്ന അഭിനയിച്ചവയിൽ ഭൂരിപക്ഷവും തെലുങ്കു സിനിമകളാണ്. സിനിമകൾ കൂടാതെ ചില വെബ് സീരിസുകളിലും അഭിനയിച്ചിട്ടുണ്ട്.

Raashi Khanna