താങ്കളുടെ നിർദ്ദേശങ്ങൾ അറിയിക്കൂ

പൗർണ്ണമിച്ചന്ദ്രിക തൊട്ടുവിളിച്ചു
പത്മരാഗം പുഞ്ചിരിച്ചു
അഴകേ നിൻ ചിരി തൊട്ടു വിളിച്ചു
ആശാലതികകൾ പുഞ്ചിരിച്ചു - എൻ
ആശാലതികകൾ പുഞ്ചിരിച്ചു (പൗർണ്ണമി..)

നീലോൽപല നയനങ്ങളിലൂറി
നിർമ്മലരാഗതുഷാരം
എന്നനുഭൂതിത്തിരകളിലാടി
നിന്റെ കിനാവിന്നോടം (പൗർണ്ണമി..)

പുഷ്പിണിയായ ശതാവരി വള്ളിയിൽ
തല്‌പമൊരുക്കീ തെന്നൽ
ഇത്തിരി മധുരം നൽകാൻ തീർക്കുക
മറ്റൊരു തല്പം തോഴീ
മറ്റൊരു തല്പം തോഴീ (പൗർണ്ണമി...)