Машински факултет - Скопје
Road Leagens USA го прошитува тимот за одржување
Машинскиот факултет – Скопје ќе го спроведува реномираниот European Manufacturing Survey
ИНФО ДЕН - можности за поддршка на научно – истражувачката дејност во Македонија
Министерството за образование и наука и Машинскиот факултет – Скопје при УКИМ организираат ИНФО ДЕН посветен на можностите за поддршка на научно – истражувачката дејност во Македонија преку соработката со Здружениот истражувачки центар (JRC) на Европската комисија.
Агендата за настанот е достапна на следниот линк (овде линк до PDF документот во прилог). Настанот е отворен за сите истражувачи. Ве молиме Вашето присуство да го потврдете преку регистрација на следниот линк https://forms.office.com/e/zwdGws2pbz
ОКТА доделува стипендии за постдипломски студии на УКИМ и во странство
СООПШТЕНИЕ
ОКТА доделува стипендии за постдипломски студии на УКИМ и во странство
Скопје, 19. мај 2025 – ОКТА АД – Скопје, и оваа година продолжува со поддршка на талентираните студенти преку доделување стипендии за постдипломски студии за академската 2025/2026 година.
Во рамките на заедничката платформа на Групацијата HELLENiQ ENERGY, на која што компанијата и припаѓа, ќе бидат доделени две стипендии за редовни постдипломски студии со максимално времетраење од две години. Меѓународната стипендија нуди можност за аплицирање на универзитети во една од следните земји: Грција, Германија, Италија, Белгија, Швајцарија, Норвешка, Холандија, Данска и Англија. Втората стипендија, која се однесува на студии на Универзитетот „Св. Кирил и Методиј" – Скопје, опфаќа повеќе насоки на Градежниот, Машинскиот, Факултетот за електротехника и информациски технологии или на Технолошко-металуршкиот факултет.
Право на аплицирање имаат дипломирани студенти или студенти во последна година на прв циклус студии, на возраст до 30 години (или до 32 со релевантно професионално искуство), со просек 8/10 и со упис или писмо за прифаќање на постдипломска програма од Универзитетите од странство.
„Нашата заложба за поддршка на образованието и поттикнување на следната генерација лидери е суштината на нашите вредности. Со оваа програма за стипендирање, имаме за цел да придонесеме во развојот на талентирани поединци кои можат да поттикнат иновации и извонредност во нивните области. Веруваме дека инвестирањето во образованието е долгорочна инвестиција во иднината на нашата индустрија и општеството во целина", изјави Димитри Пасхос, Главен извршен директор на ОКТА АД - Скопје.
За условите на конкурсот и за начинот на аплицирање заинтересираните можат да добијат повеќе информации на https://scholarships.helleniqenergy.gr/rnm. Крајниот рок за пријавување е 31 мај 2025 година.
Стипендиите се доделуваат во рамки на долгорочната заложба на ОКТА за поддршка на образованието, што пак е еден од главните столбови на стратегијата на компанијата за општествена одговорност. Како дел од оваа иницијатива, и во соработка со УКИМ, ОКТА досега има доделено 42 стипендии за втор циклус на студии, а повеќе од 100 студенти имале можност за практична работа во компанијата.