تىيانشان تورى پاش قىلىش تېلېفونى: 3532125-0991
شىنجاڭ ئۇيغۇر ئاپتونوم رايونى قۇرۇلغانلىقىنىڭ 70 يىللىقىنى تەبرىكلەش ئۈچۈن، پۈتۈن مەملىكەتتىكى ئوتتۇرا-باشلانغۇچ مەكتەپ ئوقۇغۇچىلىرى بىرلىكتە قاتناشقان «بالىلار سىزغان شىنجاڭ. رەڭدار 70 يىل» ناملىق رەسىم ئەسەرلىرى كۆرگەزمىسى 9-ئاينىڭ 29-كۈنى شاڭخەي خۇڭچياۋ ھازىرقى زامان سەنئەت سارىيىدا باشلىنىدۇ. بۇ قېتىمقى كۆرگەزمىدە 200 پارچە نادىر ئەسەر كۆرگەزمە قىلىنىپ، بالىلار نەزەرىدىن شىنجاڭنىڭ تەبىئىي گۈزەللىكى، ئادىمىيەت جەلپكارلىقى ۋە تەرەققىيات يېڭى قىياپىتى نامايان قىلىنىدۇ.
بۇ قېتىمقى پائالىيەتنى مەركىزىي كومىتېت تەشۋىقات بۆلۈمىنىڭ «ئۆگىنىش كۈچلۈك دۆلىتى» ئۆگىنىش سۇپىسى، شىنجاڭ ئۇيغۇر ئاپتونوم رايونلۇق پارتىيە كومىتېتى تەشۋىقات بۆلۈمى، مەركىزىي گۈزەل سەنئەت شۆيۈەنى ئۆسمۈرلەر گۈزەل سەنئەت تەتقىقات مەركىزىنىڭ كۆڭۈل بۆلۈشى ۋە يېتەكچىلىكىدە، شىنجاڭ گېزىتخانىسى (گۇرۇھى) شىنجاڭ ئۇيغۇر ئاپتونوم رايونلۇق ئەدەبىيات- سەنئەتچىلەر بىرلەشمىسى، ئاپتونوم رايونلۇق مائارىپ نازارىتى، قاراماي شەھەرلىك خەلق ھۆكۈمىتى بىلەن بىرلىكتە مەسئۇل بولۇپ ئۆتكۈزىدۇ.
مەسئۇل بولۇپ ئۆتكۈزىدىغان تەرەپلەر مۇنداق بىلدۈردى: بۇ قېتىمقى كۆرگەزمە ئارقىلىق تاماشىبىنلارغا پۈتۈن مەملىكەتتىكى ياش-ئۆسمۈرلەرنىڭ شىنجاڭدىن ئىبارەت بۇ تۇپراققا بولغان مۇھەببىتى ۋە تىلىكىنى ھېس قىلدۇرۇشنى، شۇنداقلا دۇنياغا بالىلارنىڭ قەلبىدىكى گۈزەل شىنجاڭنى كۆرسىتىشنى ئۈمىد قىلىمىز. كۆرگەزمە ئاممىغا ھەقسىز ئېچىۋېتىلىدۇ، كۆرگەزمە ۋاقتى 2025-يىل 9-ئاينىڭ 29-كۈنىدىن 10-ئاينىڭ 12-كۈنىگىچە بولىدۇ، ھەر ساھەدىكى دوستلارنى كېلىپ كۆرگەزمىنى كۆرۈپ، بالىلارنىڭ سەمىمىيىتى ئىپادىلەنگەن ئەسەرلەر ئارقىلىق شىنجاڭنىڭ گۈزەل تاغ-دەريالىرى، رەڭدار مەدەنىيىتى ۋە جۇشقۇن ھاياتىي كۈچىنى ھېس قىلىپ، شىنجاڭ ئۇيغۇر ئاپتونوم رايونى قۇرۇلغان 70 يىلدىن بۇيانقى شانلىق، غايەت زور ئۆزگىرىشلەرگە ئورتاق گۇۋاھچى بولۇشقا سەمىمىي تەكلىپ قىلىمىز !
تورىمىزدىكى ئەسەرلەرنىڭ نەشر ھوقۇقى شىنجاڭ گېزىتخانىسى(شىنجاڭ گېزىتچىلىك ـ تاراتقۇ <گۇرۇھ> چەكلىك شىركىتى)گە تەۋە. نەشر ھوقۇقىغا ئىگە ئەسەر ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ.
نەشىر ھوقۇقى شىنجاڭ گېزىتخانىسى(شىنجاڭ گېزىتچىلىك ـ تاراتقۇ <گۇرۇھ> چەكلىك شىركىتى)گە تەۋە
ئىشخانا تېلېفون نومۇرى : 3532375 - 0991