مادەنيەتتە قۋاتتى ەل قۇرۋدى جەدەلدەتتى

— شي جينپيڭ مادەنيەت يدەياسىنىڭ جاندى امالياتى جونىندەگى جەلىلەس شولۋ (2)

شينحۋا اگەنتتىگىنىڭ تىلشىلەرى شۇي جۋاڭ، باي يىڭ

مادەنيەتتە قۋاتتى ەل قۇرۋدى ىلگەرىلەتۋ — جاپپاي باي، قۋاتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل قۇرۋدىڭ ماڭىزدى جاعى.

پارتيا 20 ـ قۇرىلتايى مەن 20 ـ كەزەكتى ورتالىق كوميتەتتىڭ ٴۇشىنشى جالپى ٴماجىلىسى مادەنيەتتە قۋاتتى ەل قۇرۋ جونىندە ورنالاستىرۋ جاسادى. 2024 ـ جىلى 10 ـ ايدا جۇڭگو كوممۋنيستىك پارتياسى ورتالىق كوميتەتى ساياسي بيۋروسى مادەنيەتتە قۋاتتى ەل قۇرۋ جونىندە 17 ـ رەتكى توپتىق ۇيرەنۋ جۇرگىزدى، باس شۋجي شي جينپيڭ ۇيرەنۋدى باسقارعاندا بىلاي دەپ باسا دارىپتەدى: مادەنيەتتە قۋاتتى ەل قۇرۋ جۇڭگو ۇلگىسىندەگى وسىزامانداندىرۋ قۇرىلىسى جالپى جاعدايىنا سايادى، جۇڭحۋا ۇلتىنىڭ گۇلدەنۋ ۇلى ىسىنە سايادى، حالىقارالىق باسەكەلىك قۋاتتى جوعارىلاتۋعا سايادى.

جاڭا كەزەڭدى تياناق ەتىپ، جاڭا ساپارعا ارشىندى قادام تاستاۋدا ٴبىز شي جينپيڭ مادەنيەت يدەياسىن ىشكەرىلەي ۇيرەنىپ جانە امالياتتان وتكىزىپ، جۇڭگوشا سوتسياليستىك مادەنيەت قۇرىلىسىنىڭ ىشكى زاڭدىلىعىن ىشكەرىلەي يگەرىپ، حالىقتى وزەك ەتكەن قىزمەت بەتالىسىنا تاباندى بولىپ، حالىقتىڭ كۇن سايىن ارتىپ وتىرعان رۋحاني مادەنيەت قاجەتىن ۇزدىكسىز قاناعاتتاندىرىپ، مادەنيەتتە قۋاتتى ەل قۇرۋدى جەدەلدەتۋىمىز، ماتەريالدىق وركەنيەت پەن رۋحاني وركەنيەت سايكەستى داميتىن جۇڭگو ۇلگىسىندەگى وسىزامانداندىرۋدى قۇدىرەتتى رۋحاني قوزعاۋشى كۇشپەن قامداۋىمىز كەرەك.

قۋات ۇستەدى: ەكونوميكالىق، قوعامدىق دامۋدىڭ اناعۇرلىم جوعارى تالابىن قاناعاتتاندىردى

مەملەكەتتىڭ قۇدىرەتتەنۋى، ۇلتتىڭ گۇلدەنۋى ماتەريالدىق وركەنيەتتىڭ توپتالۋىن قاجەت ەتەدى، رۋحاني وركەنيەتتىڭ جوعارىلاۋىن ٴتىپتى دە قاجەت ەتەدى.

2024 ـ جىلى ەلىمىزدىڭ ىشكى ٴوندىرىس جالپى ٴونىم قۇنى تۇڭعىش رەت 130 تريلليون يۋاننان اسىپ، ەكونوميكانىڭ جالپى مولشەر كولەمى بۇكىل الەم بويىنشا 2 ـ ورىندا تۇراقتى تۇردى. شىعىستاعى ٴىرى ەل قۋاتتى ماتەريالدىق وركەنيەت جاراتتى، سونداي ـ اق داۋىرگە جەتەكشىلىك ەتەتىن رۋحاني وركەنيەتتى دە جاراتۋدا.

”قالا مەن اۋىلدىڭ رۋحاني وركەنيەت قۇرىلىسىن تەرەڭدەتىپ، مادەنيەت ونىمدەرىمەن جانە قىزمەت وتەۋمەن قامداۋدى ساپالىلاندىرىپ، مادەنيەت ارقىلى ەكونوميكالىق، قوعامدىق دامۋعا قۋات ۇستەۋ كەرەك.“ 2025 ـ جىلى مەملەكەتتىك ەكى ٴماجىلىس كەزىندە باس شۋجي شي جينپيڭنىڭ جياڭسۋ ۋاكىلدەر ۇيىرمەسىنىڭ باياندامانى قاراۋىنا قاتىناسقانداعى بەرگەن ماڭىزدى نۇسقاۋىنىڭ رۋحى جوعارى ساپالى دامۋدى ىلگەرىلەتۋدىڭ مادەنيەت جەلكەنىن كەڭ جايدى.

2025 ـ جىلى 7 ـ اي، جيڭشي قوناق ٴۇيى. باس شۋجي شي جينپيڭ ورتالىقتىڭ قالا قىزمەتى ماجىلىسىندە ”وسىزاماندانعان حالىق قالاسى ماتەريالدىق وركەنيەت پەن رۋحاني وركەنيەت ٴوزارا سايكەسكەن قالا بولۋى كەرەك“ دەپ شىن ىقىلاسپەن اتاپ كورسەتتى.

ماتەريالدىق جاقتا باي ”سىرتى“ بولۋمەن بىرگە، رۋحاني جاقتا باي ”استارى“ بولۋ كەرەك. ”ەكى جاعىن دا يگەرۋ، ەكى جاعىن دا مىقتى يگەرۋ“ سوتسياليستىك وسىزامانداندىرۋدىڭ ٴتۇبىرلى تالابىن ايگىلەدى ٴارى جۇڭگو ۇلگىسىندەگى وسىزامانداندىرۋدىڭ وسكەلەڭ تالپىنىسىن بەينەلەدى.

بۇگىنگى تاڭدا ەلىمىزدىڭ ەكونوميكالىق ناقتى قۋاتى، عىلىم ـ تەحنولوگيالىق ناقتى قۋاتى، جالپىلىق مەملەكەت قۋاتى جانە حالىقتىڭ تۇرمىس ورەسى تىڭ دا زور ساتىعا كوتەرىلدى، مادەنيەت قۇرىلىسىن ەكونوميكالىق قۇرىلىسپەن، ساياسي قۇرىلىسپەن، قوعامدىق قۇرىلىسپەن جانە ەكولوگيالىق وركەنيەت قۇرىلىسىمەن ساباقتاستىرۋعا ٴتىپتى دە ٴمان بەرىپ، مادەنيەتتىڭ جاڭا داۋىردەگى جۇڭگوشا سوتسياليزم ورنالاستىرۋىنداعى تىرەكتىلىك، جەتەكشىلىك رولىن ساۋلەلەندىرۋ كەرەك.

”قىستاق فۋتبول ەرەكشە بىرلەسكەن جارىسى“، ”قىستاق باسكەتبول جارىسى“، ”قىستاق ساۋىق كەشى“ اۋىل ـ قىستاقتاردىڭ بەت ـ بەينەسىن وزگەرتۋدەن «قارا ميف: ۋكۇڭ» ويىنى ساياحات ـ مادەنيەت جاسامپازدىعى سياقتى تۇتىنۋ ورلەۋىن قوزعاۋعا دەيىن، ونان دابىرالى ”مادەنيەت ـ كورمە ورلەۋىنە“، ”ساياحاتقا شىعۋ ورلەۋىنە“ دەيىن... ”مادەنيەت +“ ەكونوميكالىق، قوعامدىق دامۋعا قۋات ۇستەۋدىڭ قۋاتتى اسەرىن ۇزدىكسىز شىعارۋدا.

اماليات مادەنيەتتى ٴبىر ٴتۇرلى كۇردەلى جاڭالىق اشۋ فاكتورى رەتىندە ەكونوميكالىق قيمىلمەن توعىستىرعاندا، دامۋدىڭ قوزعاۋشى كۇشىن جانداندىرىپ، دامۋ ساپاسىن جوعارىلاتىپ، ەكونوميكالىق قۇرىلىمدى ساپالىلاندىرۋدى، دارەجەسىن جوعارىلاتۋدى جەبەۋگە بولاتىندىعىن دالەلدەدى.

مادەنيەتتىڭ ”دەمەۋىشتىك“ رولىن ونان ارى تانىپ، ەكونوميكالىق دامۋعا اناعۇرلىم تەرەڭ گۋمانيتارلىق قۇن ۇستەگەندە، ٴسوز جوق، بارعان سايىن كوپ جاڭا ارتۋ تۇيىندەرىن تۋىنداتىپ، جوعارى ساپالى دامۋدى ىلگەرىلەتۋگە جاڭا قوزعالتقىش قالىپتاستىرۋعا بولادى.

بيىل كوكتەم مەرەكەسى قارساڭىندا باس شۋجي شي جينپيڭ لياۋنيڭعا قىزمەت تەكسەرۋگە بارعاندا: ”مادەنيەت ارقىلى ادام تاربيەلەپ، جۇرت تىلەگىن اناعۇرلىم ويداعىداي توعىستىرىپ، حالىققا مەيىر جەتكىزىپ، سەنىمدى كۇشەيتىپ، قالىڭ كادر مەن بۇقارانىڭ رەفورما جاساۋ، جاڭالىق اشۋ، گۇلدەنىپ دامۋ ىنتاسى مەن جىگەرىن تولىق قاۋلاتۋ كەرەك“، ـ دەپ باسا دارىپتەدى.

مەملەكەت دانەكەرىنە ارقاۋ بولعان، تاماشا سۇيىسپەنشىلىكتى ارقالاعان، مىڭ جىلدان بەرى جالعاسقان كوكتەم مەرەكەسى مادەنيەتتىڭ كۇشىن ايگىلەۋدە، ول بىزگە مادەنيەتتىڭ شوعىرلاندىرۋ، جۇمسارتۋ، بىرىكتىرۋ، جەتىلدىرۋ فۋنكتسياسىن تولىق يگەرۋىمىزدى ەسكەرتتى.

جۇڭگو مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدىڭ جاڭا جورىعىنا قادام تاستاعاندا، مادەنيەتتىڭ جىگەردى شىڭداۋ، مىنەز ـ قۇلىقتى جەتىلدىرۋ رولىن ونان ارى ساۋلەلەندىرىپ، قۋاتتى باۋراۋ قۋاتىنا يە وزەكتى قۇن كوزقاراسىن ورناتىپ، قوعامدىق تانىمدى بىرىكتىرىپ، بۇكىل پارتيانىڭ، بۇكىل ەلدەگى ٴار ۇلت حالقىنىڭ ىنتىماقتاسا كۇرەس جۇرگىزۋىنىڭ ورتاق يدەيالىق نەگىزىن ۇزدىكسىز بەكەمدەۋ كەرەك.

داڭقىن اسىردى: حالىق بۇقاراسىنىڭ ٴتىپتى دە جوعارى تىلەگىنە سايكەستى

«قىرشىنىنان قيىلۋ» ٴبيى مويىماس ۇندەستىك تۋدىردى، مانەرلەپ وقىلعان كورىنىستىك جىر «وسى ساۋلە» جاستىق كوكتەمنىڭ جالىنىن تاسقىنداتتى، كورىنىستىك دراما «ماڭگىلىك ٴنومىر» ادامداردى اسەرلەندىرىپ، كوزدەرىنە جاس الدىردى...

9 ـ ايدىڭ 3 ـ كۇنى جۇڭگو حالقىنىڭ جاپون شاپقىنشىلارىنا قارسى سوعىسى جانە دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعىن ەسكە ٴتۇسىرۋ ادەبيەت ـ كوركەمونەر ساۋىق كەشى «ادىلەت، ٴسوزسىز، جەڭەدى» سالتاناتپەن وتكىزىلدى. تەلەۆيزور، توراپ ارقىلى ادامدار اسەرلى باعدارلامانى قايتا ـ قايتا كورىپ، قوعامدىق قارىم ـ قاتىناس تەكشەسىندە جاقسى باعالاردى كوپتەپ قالدىردى.

تۇرمىس ورەسىنىڭ ۇزدىكسىز جوعارىلاۋىنا بايلانىستى حالىقتىڭ مادەنيەت ونىمدەرىنىڭ ساپاسى، دارەجەسى، سلوبى سياقتىلار جونىندەگى تالابى دا اناعۇرلىم جوعارىلادى.

باس شۋجي شي جينپيڭ بىلاي دەپ تەرەڭدەي اتاپ كورسەتتى: ”مادەنيەتتە قۋاتتى ەل قۇرۋ دەگەندەگى ’قۋاتتى‘ دەگەن ٴسوز ەڭ سوڭىندا حالىقتىڭ يدەيالىق دەڭگەيىندە، رۋحاني كۇيىندە، مادەنيەت ساپاسىندا بەينەلەنۋى كەرەك“. بۇل بىزدەن ٴداۋىردىڭ دامۋىنا ىلەسىپ، حالىقتىڭ قاجەتىن يگەرىپ، حالىقتى وزەك ەتكەن مادەنيەتتە قۋاتتى ەل قۇرۋدى تالاپ ەتەدى.

حالىقتى وزەك ەتۋدە حالىقتىڭ رۋحاني مادەنيەت قاجەتىن قاناعاتتاندىرۋدى شىعار ٴتۇيىن جانە تابان تىرەر تياناق ەتۋ كەرەك.

تيانجين 4 ۇلكەن جەلىلەس 500دەن استام مادەنيەت ـ ساياحات قيمىلىن وتكىزدى، بەيجيڭ 1485 رەت ويىن قويدى، حىبەي 8 ۇلكەن تاقىرىپتىق 200 رەتتەن استام ۇلگى كورسەتۋ قيمىلىن وتكىزدى — وسى جولعى مەملەكەت مەرەكەسى، جۇڭچيۋ دەمالىسىندا بەيجيڭ - تيانجين - حىبەي بىرلەسىپ ارەكەتتەنىپ، مادەنيەت ـ ساياحات سالتاناتىن قۇرىپ، جاندى التىن كۇز گۋمانيتارلىق كورىنىسىن قالىپتاستىردى.

مادەنيەتتى دامىتۋ حالىق ٴۇشىن، مۇندا حالىققا سۇيەنۋ كەرەك، جەتىستىكتەردەن دە حالىق ورتاق يگىلىكتەنۋى كەرەك.

ٴبىر جاعىنان، حالىق بۇقاراسىنىڭ كوپ تۇرلىلەنگەن، كوپ ساتىلى، كوپ جاقتىلى رۋحاني مادەنيەت قاجەتىن قاناعاتتاندىرۋدى كوزدەپ، كەزەكتەگى مادەنيەت قاجەتى جاعىنداعى جاڭا بەتالىس پەن جاڭا ەرەكشەلىكتەردى ىشكەرىلەي اشىپ، ٴتىپتى دە كوپ ساپالى مادەنيەت بايلىعىن نەگىزگى ساتىعا تىكە جەتكىزۋ كەرەك.

ەندى ٴبىر جاعىنان، حالىقتىڭ نەگىزگى تۇلعالىق ورنىنا قۇرمەت ەتىپ، حالىقتىڭ مادەنيەت ۇقىق ـ مۇددەسىن قامتاماسىزداندىرىپ، بۇقارانى ۇگىتتەۋمەن، تاربيەلەۋمەن، جەتەكتەۋمەن جانە ولارعا قىزمەت وتەۋمەن ۇشتاستىرىپ، حالىقتىڭ مادەنيەت قاجەتىن قاناعاتتاندىرۋ مەن حالىقتىڭ رۋحاني كۇشىن نىعايتۋدىڭ بىرلىگىن جەبەۋ كەرەك.

حالىقتى وزەك ەتۋدە ادەبيەت ـ كوركەمونەر ٴتول جاسامپازدىق قابىلەتىن كۇشەيتۋ كەرەك.

2025 ـ جىلى كوكتەم باستالىسىمەن «نىجا 2» كوپ رەت بەلەت ساتىلۋ رەكوردىن جاڭالاپ، جاڭا داۋىردەگى ادەبيەت ـ كوركەمونەردىڭ ٴتول جاسامپازدىق قۋاتىن، ومىرشەڭدىك قۋاتىن ايگىلەۋدىڭ جاندى مىسالىنا اينالدى.

باي مازمۇنعا، تەرەڭ مانگە يە، الۋان ٴتۇرلى مادەنيەت ونىمدەرى — حالىقتىڭ رۋحاني مادەنيەت تۇرمىسىن قاناعاتتاندىرۋدىڭ تەتىگى. بۇل بىزگە مادەنيەتتىڭ ٴار سالاسىندا تاسقىنداعان ىنتامەن، جاندى قالاممەن، اسەم ريتىممەن، اسەرلى وبرازبەن حالىق ۇناتاتىن تاڭداۋلى تۋىندىلار جاراتىپ، ەڭ جاقسى رۋحاني ازىقتى حالىققا ارناۋدى ەسكەرتەدى.

حالىقتى وزەك ەتىپ، الەۋمەتتىك مادەنيەتكە قىزمەت وتەۋ ورەسى مەن مادەنيەت شارۋاشىلىعىنىڭ دامۋ ساپاسىن جوعارىلاتۋ كەرەك.

مادەنيەت جانە ساياحات مينيسترلىگىنىڭ ەڭ جاڭا ساندى مالىمەتىندە كورسەتىلۋىنشە، 2024 ـ جىلدىڭ سوڭىنا دەيىن بۇكىل ەل بويىنشا الەۋمەتتىك كىتاپحانا 3248، بۇقارالىق مادەنيەت قۇرىلىمى 44 مىڭعا تاياۋ بولعان، جاڭاشا الەۋمەتتىك مادەنيەت كەڭىستىگى 40 مىڭنان اسقان، بۇقارا مادەنيەت قىزمەت وتەۋىنەن يگىلىكتەنەتىن ٴتىپتى دە كوپ جاقسى جەرگە يە بولعان.

حالىقتىڭ مادەنيەت ۇقىق ـ مۇددەسىن اناعۇرلىم ويداعىداي قامتاماسىز ەتۋدە الەۋمەتتىك مادەنيەتكە قىزمەت وتەۋدى ولشەمدەندىرۋدى، بىركەلكىلەندىرۋدى ىلگەرىلەتۋگە تاباندى بولىپ، قالا مەن اۋىلدىڭ الەۋمەتتىك مادەنيەتكە قىزمەت وتەۋ جۇيەسىن ٴبىر تۇلعالاندىرۋ قۇرىلىسىن ىلگەرىلەتۋ؛ مادەنيەت سالاسىنداعى قامداۋ جاعىنداعى قۇرىلىمدىق رەفورمانى ىلگەرىلەتىپ، مادەنيەت كاسىپ سالاسى جوباسى مەن ساياساتىن كەمەلدەندىرىپ، ساپالى مادەنيەت ونىمدەرىمەن قامداۋدى ۇزدىكسىز كەڭەيتىپ، حالىقتىڭ مادەنيەت تابىس سەزىمىن، باقىت سەزىمىن ٴونىمدى كۇشەيتۋ كەرەك.

جانداندىردى: جاڭا باستامادا مادەنيەتتى گۇلدەندىرۋدى، مادەنيەتتە قۋاتتى ەل قۇرۋدى ۇزدىكسىز ىلگەرىلەتتى

”دۇنيە جۇزىندە 100 جىلدىق وزگەرىس جەدەل قۇبىلىپ، ەلىمىز قوعامىنداعى باستى قايشىلىق تەرەڭ وزگەرىپ، جاڭا كەزەكتى عىلىم ـ تەحنولوگيا توڭكەرىسى مەن كاسىپ سالاسى وزگەرىسى ىشكەرىلەي دامىعان جاعدايدا، مادەنيەتتە قۋاتتى ەل قۇرۋدا ٴالى دە كوپتەگەن ولقىلىق پەن جەتەرسىزدىك ورىن تەۋىپ وتىر، ٴسوز جوق، ايرىقشا ٴمان بەرىپ، مۇقيات اقىلداسىپ شەشۋ كەرەك“.

باس شۋجي شي جينپيڭنىڭ ماڭىزدى ٴسوزى مادەنيەتتە قۋاتتى ەل قۇرۋعا ايقىن بەتالىس كورسەتتى.

2035 ـ جىلى مادەنيەتتە قۋاتتى ەل قۇرۋ ستراتەگيالىق نىساناسىن كوزدەگەندە، ٴبىز جۇڭگوشا سوتسياليستىك مادەنيەتتى دامىتۋ جولىمەن بۇلجىماي ٴجۇرىپ، كەنىشتى جۇڭحۋا وركەنيەتىنە تامىر تارتىپ، ينفورماتسيا تەحنولوگياسىنىڭ دامۋ اعىمىنا سايكەسىپ، كۇشتى يدەيالىق جەتەكشىلىك ەتۋ قۋاتىنا، رۋحاني ۇيىستىرۋ قۋاتىنا، قۇندىلىق باۋراۋ قۋاتىنا، حالىقارالىق ىقپال كۇشىنە يە جاڭا داۋىردەگى جۇڭگوشا سوتسياليستىك مادەنيەتتى ۇزدىكسىز دامىتۋىمىز كەرەك.

مادەنيەتتىڭ ومىرشەڭدىگى جاڭالىق اشۋدا، جاسامپازدىق جاراتۋدا.

باس شۋجي شي جينپيڭ بىلاي دەپ باسا دارىپتەدى: جاڭالىق اشۋ، جاسامپازدىق جاراتۋ ومىرشەڭ كۇشىن تاسقىنداتۋدى مادەنيەت ٴتۇزىلىس ـ مەحانيزمى رەفورماسىن تەرەڭدەتۋدىڭ وزەكتى بۋىنى ەتىپ، مادەنيەتتى باسقارۋ ٴتۇزىلىسى مەن ٴوندىرىس، شارۋاشىلىق مەحانيزمىن جەدەل كەمەلدەندىرۋ كەرەك.

تۋ باستان يگەرۋدە ٴتۇرلى دارىندىلاردى تاربيەلەۋدى ٴبىر تۇتاس جوسپارلاپ، كولەمى زور، قۇرىلىمى ۇيلەسىمدى، باتىلدىقپەن جاڭالىق اشاتىن جوعارى دەڭگەيلى مادەنيەت دارىندىلارى قوسىنىن قۇرۋ؛ اۋقىمعا سايكەسىپ، مادەنيەت پەن عىلىم ـ تەحنولوگيا توعىسقان ٴونىمدى مەحانيزم جونىندە ىزدەنىس جاساپ، ينتەرنەتتىك وي جەلىسى مەن ينفورماتسيا تەحنولوگياسىن ەنگىزىپ، مادەنيەت بايلىعى ابزالدىلىعىن مادەنيەتتى دامىتۋ ابزالدىلىعىنا اينالدىرۋ كەرەك.

تاياۋدا وتكىزىلگەن بەيجيڭ مادەنيەت تالقى مىنبەرىندە مادەنيەت جاسامپازدىعى كورمەلەپ ساتۋ ورتالىعىندا ادام اياعى ۇزىلمەدى، ٴداستۇرلى ەلەمەنتتەر مەن زاماناۋي جوبالاۋدى توعىستىرعان ٴتۇرلى ٴونىم ەرەكشە قارسى الىندى.

مۇراگەرلىك ەتۋگە شەبەر بولعاندا عانا اناعۇرلىم جاقسى جاڭالىق اشۋعا بولادى. بولاشاقتى بەتكە العاندا، ماركسيزممەن جۇڭحۋانىڭ ٴداستۇرلى مادەنيەتىندەگى تاڭداۋلى فاكتوردى جانداندىرۋعا تاباندى بولعاندا جانە وعان جاڭا داۋىرلىك ٴمان بەرگەندە عانا جۇڭحۋا وركەنيەتىنىڭ كورنەكتى ەرەكشەلىگىن، جۇڭحۋا مادەنيەتىنىڭ ماڭىزدى فاكتورىن ايگىلەيتىن ٴارى ٴداۋىردىڭ العا باسۋى مەن امالياتتىڭ دامۋىن بەينەلەيتىن ٴتىپتى دە كوپ مادەنيەت جەتىستىكتەرىن ۇسىنۋعا بولادى.

وركەنيەت تاسقىنداي ٴتۇسىپ، مەملەكەتتىڭ مادەنيەت جۇمساق كۇشى مەن جۇڭحۋا مادەنيەتىنىڭ ىقپال كۇشى ۇزدىكسىز جوعارىلادى.

2024 ـ جىلى ەلىمىزدىڭ مادەنيەت ساۋداسىنىڭ جالپى سوماسى ٴبىر تريلليون 400 ميلليارد يۋانعا جەتتى. كارتون، ويىن، جاڭا ويىنشىقتار، ويىن ـ ساۋىق سياقتى مادەنيەت ونىمدەرىنىڭ ”سىرتقا شىعارىلۋى“ تەزدەتىلىپ، جۇڭحۋا مادەنيەتىنىڭ دۇنيە جۇزىنە بەت الۋىنا دەم بەرىلدى.

مادەنيەتتە قۋاتتى ەل قۇرۋ — ەلىمىزدىڭ جالپىلىق مەملەكەت قۋاتى مەن حالىقارالىق ورنىنا سايكەسەتىن حالىقارالىق ٴسوز سويلەۋ ۇقىعىن قالىپتاستىرۋدا بولۋعا ٴتيىستى مازمۇن.

جاڭا جورىقتا ٴبىز حالىقارالىق تاراتۋ جاعدايىن قايتا قۇرۋدى بەلسەنە ىلگەرىلەتىپ، كوپ ارنالى، ستەرەولدى سىرتقا تاراتۋ جاعدايىن قالىپتاستىرىپ، فورماسى الۋان ٴتۇرلى حالىقارالىق گۋمانيتارلىق اۋىس ـ كۇيىستى، سەلبەستىكتى كەڭ كولەمدە ورىستەتىپ، تاريحي مادەنيەت نەگىزىنە باي، زامانىمىزداعى جۇڭگو تۇرمىسىن بەينەلەيتىن، حالىقارالىق مادەنيەت كوز اياسىنا يە تۋىندىلاردى مەملەكەت قاقپاسىنان كوپتەپ شىعارۋدى ىلگەرىلەتۋىمىز كەرەك.

شي جينپيڭ مادەنيەت يدەياسىن جەتەكشى ەتۋگە تاباندى بولىپ، ادامزاتتىڭ بارلىق تاڭداۋلى وركەنيەت جەتىستىكتەرىنەن بەلسەندى، ىرىقتى تۇردە ۇيرەنىپ جانە ودان ۇلگى الىپ، ٴار جاقتىڭ بەلسەندىلىگىن، ىرىقتىلىعىن، جاسامپازدىعىن جۇمىلدىرساق، ٴبىز، ٴسوز جوق، مادەنيەتتە قۋاتتى ەل قۇرۋدى جەدەلدەتىپ، حالىقتىڭ رۋحاني كۇشىن ۇزدىكسىز كۇشەيتىپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ مادەنيەت نەگىزىن بەكەمدەي الامىز.

(شينحۋا اگەنتتىگىنىڭ 10 ـ ايدىڭ 9 ـ كۇنى بەيجيڭنەن بەرگەن حابارى)