تيانشان تورى اشكەرەلەۋ تەلەفون ءنومىرى: 3532125-0991
10 ـ ايدىڭ 6 ـ كۇنى ساياحاتشىلار ۋولۇڭۋاندا ساياحاتتاپ سۋرەتكە ٴتۇستى. مەملەكەت مەرەكەسى، جۇڭچيۋ دەمالىسىندا قاناس كورىنىس ٴوڭىرىنىڭ كۇزگى كورىنىسى كوز تارتىپ، كوپتەگەن ساياحاتشىنى وسى اراعا ٴسوزسىز كەلۋگە باۋرادى.
□しろいしかく سۋرەتتى جاڭ يۇيشياڭ تۇسىرگەن
انار بۇلت \ شينجياڭ گازەتىنىڭ ٴتىلشىسى ياۋ گاڭ 10 ـ ايدىڭ 8 ـ كۇنى ۇرىمجىدەن حابارلايدى. اۆتونوميالى رايوندىق مادەنيەت جانە ساياحات مەڭگەرمەسىنەن ۇعىسۋىمىزشا، ۇلكەن ساندى مالىمەت تۇعىرىنا جانە ۇلگى الىپ تەكسەرۋ جالپىلىق تۇسپالىنا نەگىزدەلگەندە، 10 ـ ايدىڭ 1 ـ كۇنىنەن 8 ـ كۇنىنە دەيىن بۇكىل رايون 18 ميلليون 638 مىڭ 400 ساياحاتشى (رەت) قابىلداپ، سالىستىرمالى ولشەم بويىنشا سايكەس مەزگىلدەگىدەن %11.26 ارتقان؛ ساياحاتشىلار جۇمساعان قاراجات 25 ميلليارد 96 ميلليون يۋان بولىپ، سالىستىرمالى ولشەم بويىنشا سايكەس مەزگىلدەگىدەن %11.71 ارتقان. قوس مەرەكە دەمالىسىندا قىزىل ساياحات ورلەۋى، بەيزاتتىق مۇرالاردى سەزىنۋ ورلەۋى، وڭتۇستىك ـ سولتۇستىك شينجياڭداعى كورىنىس وڭىرلەرى دۋماندى بەينەگە شومۋ، توڭىرەك ساياحاتى گۇلدەنۋ سياقتى ەرەكشەلىكتەر جارىققا شىققان.
شينجياڭ حالىقارالىق ۇلكەن بازارى شاتتىق تەڭىزىنە اينالدى، مەملەكەت مەرەكەسى دەمالىسىنىڭ ٴبىرىنشى كۇنى كۇندىك ساياحاتشى قابىلداۋ مولشەرى 200 مىڭ ادامنان (رەت) اسىپ، تاياۋ جىلداردان بەرگى مەملەكەت مەرەكەسى دەمالىسىنداعى جاڭا رەكوردتى جاراتتى. چۇڭچيڭدىق ساياحاتشى لي حۋانحۋان قول تەلەفونىن الىپ توقتاۋسىز سۋرەتكە ٴتۇسىرىپ جاتىپ: ”وتە دۋماندى ەكەن! شينجياڭنىڭ ٴدامدى تاعامدارى، ادامداردىڭ ىستىق ىقىلاسى ەستەن كەتپەيدى“، ـ دەدى.
دەمالىستىڭ العاشقى كۇنى قاشقار 253 مىڭ 800 ساياحاتشى (رەت) قابىلدادى، جەرگىلىكتى مادەنيەت ـ ساياحات تاراۋلارى 50 ٴتۇرلى قيمىل وتكىزدى، ساياحاتشىلار تەمىرشىلىك ىستەپ، ٴوز قولىمەن ايكۇلشە جاساپ ەلىتە قىزىققا باتتى. باعراش اۋدانى ”كۇندىز ـ ٴتۇن“ تۇتاس وڭىرلىك ساياحات جاڭا ۇلگىسىن باستادى، 10 ـ ايدىڭ 4 ـ كۇنى ٴبىر كۇندە 150 مىڭ 200 ساياحاتشى (رەت) قابىلداپ، تاريحتاعى ەڭ جوعارى دەڭگەيدى جاراتتى.
مادەنيەت پەن ساياحاتتى توعىستىرۋ دەمالىسقا تەرەڭ ٴمان ۇستەدى. دەمالىس كەزىندە ٴۇرىمجى مادەنيەت ورتالىعىنىڭ كورمە سارايلارى ادامعا لىق تولدى، جەر ـ جەردەن كەلگەن ەكسكۋرسيالاۋشىلار شينجياڭ ۇيعۇر اۆتونوميالى رايونى قۇرىلعاندىعىنىڭ 70 جىلدىعى نەگىزگى تاقىرىبىنداعى جەتىستىكتەر كورمەسىنە كىرىپ، شينجياڭنىڭ وراسان زور وزگەرىستەرىن تىكە سەزىندى. شينجياڭ حالىقارالىق ۇلكەن بازارى كورىنىس وڭىرىندەگى ايداعار، ارىستان ٴبيى ويىنى اياقتاعاننان كەيىن، قىزمەتكەرلەر ديامەترى ٴبىر مەتر كەلەتىن ۇلكەن ايكۇلشەنى الىپ شىعىپ ساياحاتشىلارمەن ٴبولىستى. جياڭسۋلىق ساياحاتشى ۋاڭ حۋانشىڭ بىلاي دەدى: ”ۇيدەن شالعايدا بولسام دا باس قوسۋدىڭ ٴدامىن تاتتىم، بۇل مەيىر جۇرەككە تىكە جەتتى“.
جەر ـ جەردە ساياحات ورلەۋى كوتەرىلدى. دەمالىستىڭ الدىڭعى 3 كۇنىندە قاراقاش بايىرعى قالا كورىنىس ٴوڭىرى 115 مىڭ 860 ساياحاتشى (رەت) قابىلدادى، لاليكول مەملەكەتتىك سازدىق باقشاسى دا كوپتەگەن ساياحاتشىنى باۋرادى، ولار ساياحات كەمەسىنە وتىرىپ سازدىقتاعى سۋ ايدىنىن ەندەي ٴوتىپ، ۇلى تابيعاتتىڭ تىرشىلىك تىنىسى مەن ومىرشەڭ كۇشىن جاقىن ارالىقتان سەزىندى. كورلا قالاسىنىڭ توڭىرەگىندەگى اۋىل ـ قىستاقتاردىڭ ساياحاتى جاندانىپ، شيني ـ ىر قالاشىعى، تاشىدەن قالاشىعى، ٴجاڭاشار اۋىلى سياقتى جەرلەر كوپ نەگىزدى مادەنيەت ـ ساياحات سەزىنۋىنە سۇيەنىپ ساياحاتشىلاردىڭ القاۋىنا بولەنگەن ٴسوزسىز باراتىن جەرگە اينالدى.
تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.