جۇڭحۋا حالىق رەسپۋبليكاسى قۇرىلعاندىعىنىڭ 76 جىلدىعىن قۇتتىقتاۋ قوناعاسى بەيجيڭدە وتكىزىلدى

جۇڭحۋا حالىق رەسپۋبليكاسى قۇرىلعاندىعىنىڭ 76 جىلدىعىن قۇتتىقتاۋ قوناعاسى بەيجيڭدە وتكىزىلدى

شي جينپيڭ ماڭىزدى ٴسوز سويلەدى

لي چياڭ باسقاردى، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتىناستى

9 - ايدىڭ 30 - كۇنى كەشتە جۇڭحۋا حالىق رەسپۋبليكاسى قۇرىلعاندىعىنىڭ 76 جىلدىعىن قۇتتىقتاۋ قوناعاسى بەيجيڭ حالىق سارايىندا وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قوناعاسىعا قاتىناستى ءارى ماڭىزدى ءسوز سويلەدى.

□しろいしかく سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن

9 - ايدىڭ 30 - كۇنى كەشتە جۇڭحۋا حالىق رەسپۋبليكاسى قۇرىلعاندىعىنىڭ 76 جىلدىعىن قۇتتىقتاۋ قوناعاسى بەيجيڭ حالىق سارايىندا وتكىزىلدى. شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلى پارتيا مەن مەملەكەت باسشىلارى جۇڭگولىق، شەتەلدىك قايراتكەرلەرمەن ءبىر ارادا شاتتىقپەن باس قوسىپ، جۇڭحۋا حالىق رەسپۋبليكاسىنىڭ مەرەيتويىن بىرگە قۇتتىقتادى.

□しろいしかく سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

شينحۋا اگەنتتىگىنىڭ 9 ـ ايدىڭ 30 ـ كۇنى بەيجيڭنەن بەرگەن حابارى. جۇڭحۋا حالىق رەسپۋبليكاسى قۇرىلعاندىعىنىڭ 76 جىلدىعىن قۇتتىقتاۋ قوناعاسى 9 ـ ايدىڭ 30 ـ كۇنى كەشتە حالىق سارايىندا وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ قوناعاسىعا قاتىناستى ٴارى ماڭىزدى ٴسوز سويلەدى. ول بىلاي دەپ باسا دارىپتەدى: جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ بۇرىنعىلار ىستەپ كورمەگەن ۇلى ٴىس. ارمان مەن سىن ـ سايىس ٴبىزدىڭ ۋاقىتپەن جارىساتىن، ماڭگى بويكۇيەزدىككە سالىنبايتىن كۇرەس رۋحىمىزدى تاسقىنداتادى. ٴبىز پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، قايراتتانا العا ۇمتىلىپ، باس الماي قاجىرلىلىقپەن ىستەپ، جۇڭگو ۇلگىسىندەگى وسىزامانداندىرۋدىڭ اناعۇرلىم شۇعىلالى تاراۋىن قۇلشىنا جازۋىمىز كەرەك.

لي چياڭ قوناعاسىن باسقاردى، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قوناعاسىعا قاتىناستى. جۇڭگولىق، شەتەلدىك 800دەي قايراتكەر ٴبىر ارادا شاتتىقپەن باس قوسىپ، جۇڭحۋا حالىق رەسپۋبليكاسىنىڭ مەرەيتويىن بىرگە قۇتتىقتادى.

حالىق سارايىنىڭ قوناعاسى زالىندا اشەكەيلى شامدار جارقىراپ، مەرەيلى دە دۋماندى مەرەكەلىك لەپ ەستى. ٴتوراعالار مىنبەسىنىڭ جوعارعى جاعىنا ايبىندى مەملەكەت گەربى بيىك ٴىلىنىپ، ”2025 — 1949 “دەگەن ۇلكەن ٴارىپتى جىلناما نارت قىزىل تۋدىڭ ايشىقتاۋىندا ايرىقشا كوز تارتىپ تۇر.

ساعات 17دەن 30 مينۋت مولشەرىندە دۋماندى «قوناق قارسى الۋ مۋزيكاسى» ۇنىندە شي جينپيڭ قاتارلى پارتيا مەن مەملەكەت باسشىلارى قوناعاسى زالىنا كىرىپ، كوپشىلىككە قول بۇلعاپ قۇرمەت ٴبىلدىردى، بۇكىل زالدان قىزۋ شاپالاق ٴۇنى كوتەرىلدى.

قوناعاسى باستالدى. بۇكىل زالداعىلار ورىندارىنان تۇرىپ، جۇڭحۋا حالىق رەسپۋبليكاسىنىڭ مەملەكەت ٴانىن اسقاقتاتا شىرقادى، ايبىندى ”ەرىكتىلەر مارشى“ ۇلكەن زالدى جاڭعىرتتى.

شي جينپيڭ ماڭىزدى ٴسوز سويلەدى. ول الدىمەن پارتيا ورتالىق كوميتەتى مەن مەملەكەتتىك كەڭەس اتىنان بۇكىل ەلدەگى ٴار ۇلت حالقىن، جۇڭگو حالىق ازاتتىق ارمياسىنىڭ كوماندير ـ جاۋىنگەرلەرىن جانە قارۋلى ساقشى بولىمدەرىنىڭ وفيتسەر ـ اسكەرلەرىن، ٴارقايسى دەموكراتيالىق پارتيا ـ توپتارداعى جانە پارتيادا، توپتا جوق قايراتكەرلەردى مەرەكە بايلانىسىمەن قۇتتىقتادى، شياڭگاڭ ەرەكشە اكىمشىلىك رايونىنداعى باۋىرلاستارعا، اۋمىن ەرەكشە اكىمشىلىك رايونىنداعى باۋىرلاستارعا، تايۋاندىق باۋىرلاستارعا جانە شەتەلدەگى چياۋمين باۋىرلاستارعا ىقىلاستى سالەم جولدادى، ۇزاق ۋاقىتتان بەرى جۇڭگونىڭ قۇرىلىس ىستەرىنە كوڭىل بولگەن جانە قولداۋ كورسەتكەن دوس مەملەكەتتەرگە جانە حالىقاراداعى دوستارعا شىن جۇرەكتەن العىس ايتتى.

شي جينپيڭ بىلاي دەپ اتاپ كورسەتتى: جاڭا جۇڭگو قۇرىلعان 76 جىلدان بەرى، پارتيا حالىققا باسشىلىق ەتىپ، ٴوز كۇشىنە سۇيەنىپ ٴومىر ٴسۇرىپ، ۇزدىكسىز كۇرەس جۇرگىزىپ، تاريحقا جازىلاتىن شۇعىلالى تابىسقا قول جەتكىزدى. تاريحقا قايىرىلا قاراساق، جۇڭحۋا ۇلتى جويىلۋ حاۋپىنە ٴدوپ كەلۋدەن ۇلى گۇلدەنۋگە قاراي بەت الىپ، جول بويى جاپاعا شىداپ كۇرەس جۇرگىزىپ، سانسىز جاپا ـ ماشاقاتتى باستان كەشىردى، سونداي ـ اق جول بويى كوكىرەك تولى ماقتانىش سەزىممەن جەڭىس جىرىن اسقاقتاتا ورىندادى. جاقىندا ٴبىز جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعىن سالتاناتپەن ەسكە ٴتۇسىرىپ، ۇلت رۋحىن بارىنشا سەرپىلتىپ، وتانشىلدىق قىزۋ سۇيىسپەنشىلىكتى تاسقىنداتىپ، كۇرەس جاساۋ كۇشىن ۇيىستىردىق. تاريحي تاجىريبەلەردەن ۇزدىكسىز ويداعىداي پايدالانىپ، مەملەكەتتى اناعۇرلىم ويداعىداي قۇرىپ، اعا بۋىن باسشىلار مەن توڭكەرىستىك ارداگەر قۇرباندار نەگىزىن سالعان ىستەردى ۇزدىكسىز گۇلدەندىرىپ، كوركەيتۋىمىز كەرەك.

شي جينپيڭ بىلاي دەپ باسا دارىپتەدى: بيىل جىل باسىنان بەرى، كۇردەلى جاعدايعا مەڭزەس، ٴبىز رەفورمانى ونان ارى جاپپاي تەرەڭدەتىپ، جوعارى ساپالى دامۋدى تىڭعىلىقتى ىلگەرىلەتىپ، حالىق تۇرمىسىن كۇش سالا قامتاماسىز ەتىپ جانە جاقسارتىپ، پارتيانى جاپپاي قاتاڭ باسقارۋدى ىشكەرىلەي ىلگەرىلەتىپ، پارتيا مەن مەملەكەتتىڭ ٴتۇرلى ىستەرىندە تىڭ ىلگەرىلەۋشىلىكتەرگە، تىڭ ونىمدىلىكتەرگە قول جەتكىزدىك. كەلەسى ايدا پارتيامىز 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىن اشىپ، ”15 ـ بەسجىلدىق“ جوبانى جاساۋ ۇسىنىسىن اقىلداسادى. جاڭا داۋىردەگى جاڭا جورىقتا پارتيانىڭ وزەكتى مىندەتىن تىعىز ارقاۋ ەتىپ، ”15 ـ بەسجىلدىقتاعى“ دامۋ نىسانا ـ مىندەتتەرى مەن ستراتەگيالىق شارالارىن ويداعىداي جوبالاپ، ويداعىداي اتقارىپ، سوتسياليستىك وسىزامانداندىرۋدى نەگىزىنەن جۇزەگە اسىرۋدا شەشۋشى ىلگەرىلەۋشىلىككە قول جەتكىزۋگە شىنايى كەپىلدىك ەتۋ كەرەك.

شي جينپيڭ بىلاي دەپ اتاپ كورسەتتى: جاڭا جورىقتا ٴبىز ”ٴبىر ەل، ەكى ٴتۇزىم“ باعىتىن بۇلجىماي دايەكتىلەندىرىپ، شياڭگاڭ، اۋمىننىڭ مەملەكەتتىڭ دامۋ كەلەلى جاعدايىمەن اناعۇرلىم جاقسى توعىسۋىن قولداپ، ەكونوميكانى اناعۇرلىم ويداعىداي دامىتىپ، حالىق تۇرمىسىن اناعۇرلىم ويداعىداي جاقسارتۋىمىز كەرەك. ەكى جاعالاۋدىڭ اۋىس ـ كۇيىسىن، سەلبەستىگىن تەرەڭدەتىپ، ”تايۋاندى دەربەستەندىرۋدى“ كوزدەيتىن بولشەكتەۋشىلىك ارەكەتكە جانە سىرتقى كۇشتەردىڭ كيلىگۋىنە باتىل قارسى تۇرىپ، مەملەكەتتىڭ يەلىك ۇقىعى مەن تەرريتوريا تۇتاستىعىن باتىل قورعاۋىمىز كەرەك.

شي جينپيڭ بىلاي دەپ باسا دارىپتەدى: 100 جىلدىق وزگەرىس جەدەل قۇبىلعان حالىقارالىق جاعدايعا مەڭزەس، ٴبىز بۇكىل ادامزاتتىڭ ورتاق قۇندىلىعىن بار كۇشپەن اسقاقتاتىپ، ناعىز كوپ جاقتىلىقتى امالياتتا ايگىلەپ، الەمدىك دامۋ باستاماسىن، الەمدىك حاۋىپسىزدىك باستاماسىن، الەمدىك وركەنيەت باستاماسىن، الەمدىك باسقارۋ باستاماسىن تياناقتاندىرۋدى ىلگەرىلەتىپ، ٴارقايسى ەلمەن قول ۇستاسا وتىرىپ ادامزاتتىڭ تاعدىرلاس ورتاق تۇلعاسىن قۇرۋىمىز كەرەك.

دۋماندى مۋزيكا ۇنى ىشىندە جۇڭگولىق، شەتەلدىك قوناقتار، دوستار توست كوتەرىپ، جۇڭحۋا حالىق رەسپۋبليكاسى قۇرىلعاندىعىنىڭ 76 جىلدىعىن بىرگە قۇتتىقتاپ، جۇڭگونىڭ گۇلدەنىپ ـ كوركەيۋىن، حالىقتىڭ باقىتتى، امان ـ ەسەن بولۋىن، جۇڭگو حالقى مەن دۇنيە جۇزىندەگى ٴار ەل حالقى دوستىعىنىڭ ماڭگى جالعاسۋىن تىلەدى.

قوناعاسىعا قاتىناسقانداردان تاعى: بەيجيڭدەگى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىقتارى، مەملەكەتتىك كەڭەستىڭ ورىنباسار زۇڭليلەرى، مەملەكەتتىك كەڭەستىڭ مۇشەلەرى، مەملەكەتتىك باقىلاۋ ـ تەكسەرۋ كوميتەتىنىڭ مەڭگەرۋشىسى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستىڭ ورىنباسار ٴتوراعالارى جانە باسشىلىق مىندەتىنەن شەگىنگەن جولداستار، سونداي ـ اق ورتالىق اسكەري ىستەر كوميتەتىنىڭ مۇشەلەرى، كەزىندە ورتالىق اسكەري ىستەر كوميتەتىنىڭ مۇشەسى مىندەتىن وتەگەن جولداستار قاتىناستى.

ورتالىقتاعى پارتيا، ۇكىمەت، ارميا ورىندارىنىڭ، بۇقارالىق ۇيىمداردىڭ قاتىستى تاراۋلارىنىڭ جانە بەيجيڭ قالاسىنىڭ جاۋاپتىلارى، ٴارقايسى دەموكراتيالىق پارتيا ـ توپتاردىڭ ورتالىق كوميتەتتەرىنىڭ، مەملەكەتتىك ساۋدا ـ ونەركاسىپشىلەر بىرلەستىگىنىڭ جاۋاپتىلارى جانە پارتيادا، توپتا جوق قايراتكەرلەردىڭ ۋاكىلدەرى، بەيجيڭدەگى ەڭبەك ٴسىڭىرىپ، داڭققا يە بولىپ ماداقتالىپ ـ سيلانعانداردىڭ ۋاكىلدەرى، مەملەكەتتىك ەڭبەك ەرلەرى مەن وزاتتاردىڭ ۋاكىلدەرى، ۇلتتار وڭىرلەرىنىڭ ورنىقتىلىعىنا، دامۋىنا، ىنتىماعىنا ماڭىزدى ۇلەس قوسقان از ۇلت ۋاكىل قايراتكەرلەرى، بەيجيڭدەگى ٴبىر ٴبولىم شياڭگاڭ ەرەكشە اكىمشىلىك رايونىنىڭ قايراتكەرلەرى، اۋمىن ەرەكشە اكىمشىلىك رايونىنىڭ قايراتكەرلەرى، تايۋانداعى باۋىرلاستار جانە حۋاچياۋلاردىڭ، حۋارىنداردىڭ ۋاكىلدەرى، ٴار ەلدىڭ جۇڭگودا تۇراتىن ەلشىلەرى، حالىقارالىق ۇيىمداردىڭ جۇڭگودا تۇراتىن ۋاكىلدەرى، ٴبىر ٴبولىم شەتەلدىك ماماندار قاتارلىلار دا قوناعاسىعا قاتىناستى.