تيانشان تورى اشكەرەلەۋ تەلەفون ءنومىرى: 3532125-0991
كۇن سۋىتقاندا قان قىسىمىندا وڭاي تولقۋ تۋىلادى. قان قىسمى جوعارى بولعان ناۋقاستار ءۇشىن قان قىسىمىنىڭ ماۋسىمدىق وزگەرىسى جۇرەك، قان تامىرلارى وقيعاسىنىڭ حاۋپىن كورنەكتى ارتتىرادى. قان قىسىمىنىڭ ءتورت ماۋسىمدىق وزگەرىسى ۇنەمى ”كۇز، قىس ماۋسىمدارىندا جوعارى“، ”كوكتەم، جاز ماۋسىمدارىندا تومەن“ بولىپ بەينەلەنەدى. قىس ماۋسىمىندا قان قىسىمىن جاقسى مەڭگەرگەن جوعارى قان قىسىمدى ناۋقاستاردىڭ جاز ماۋسىمىندا قان قىسىمى تىم تومەندەۋى مۇمكىن. جاز ماۋسىمىندا قان قىسىمىن جاقسى مەڭگەرگەن جوعارى قان قىسىمدى ناۋقاستاردىڭ قىس ماۋسىمىندا قان قىسىمى كورنەكتى ارتۋى مۇمكىن. دالانىڭ تەمپەراتۋراسى°C5تان جوعارى بولعاندا، تەمپەراتۋرا ءار °C10 تومەندەگەندە جيىرىلۋ قىسىمى ورتا ەسەپپەن 62 ميلليمەتر سىناپ باعانا جوعارىلايدى.
ۇيدە قان قىسىمىن بىلاي ولشەگەن ءجون. ءار كۇنى تاڭەرتەڭ، كەش قان قىسىمىن ولشەۋ، ءار جولى ولشەگەندە ءبىر ورىندا 5 مينۋت وتىرىپ دەمالىپ بارىپ 2—3 رەت ولشەۋ، ءار جولى ءبىر مينۋت ارالىق قالدىرۋ، ءار جولعى قان قىسىمى ءمانىنىڭ ورتاشا ءمانىن ەستەلىككە الۋ ءتيىس. تاڭەرتەڭ قان قىسىمدى ورنىنان تۇرعاننان كەيىنگى ءبىر ساعات ىشىندە، قان قىسىمىن تومەندەتۋ ءدارىسىن ىشۋدەن بۇرىن، تاماقتان بۇرىن جانە كۇشتى ارەكەت جاساۋدان بۇرىن ولشەۋ ءتيىس. كەشتە قان قىسىمدى كەشكى تاماقتان سوڭ، ۇيىقتاۋدان بۇرىن ولشەگەن ءجون. مەيلى تاڭەرتەڭ نەمەسە كەشتە بولسىن، قان قىسىمىن ولشەۋدەن بۇرىن قۋىقتى بوساتۋعا كوڭىل ءبولۋ ءتيىس. قان قىسىمى جوعارى بولعان قارت ناۋقاستاردىڭ نەمەسە سوزىلمالى بۇيرەك اۋرۋى، قانتتى نەسەپ اۋرۋى، قان تامىر قابىعىنىڭ قالىڭداۋى سياقتى اۋرۋلار قوسانجارلانعان قان قىسىمى جوعارى ناۋقاستاردىڭ ءار جىلدىڭ جاز ماۋسىمى مەن قىس ماۋسىمىندا كەمىندە ءبىر رەت ديناميكالىق قان قىسىمىن ولشەۋىن ۇسىنامىز.
”جىل قۇسى“ ىسپەتتى قان قىسىمدى ءتىپتى دە ولشەپ تۇرۋ كەرەك. ”جىل قۇسى“ ىسپەتتى قاريالار سولتۇستىكتەن وڭتۇستىككە بارىپ قىستى وتكىزگەندە قىسقا ۋاقىت ىشىندە ورتا تەمپەراتۋراسىنىڭ كورنەكتى وزگەرىسى سەبەپتى قان قىسىمىنىڭ كورنەكتى تولقۋىنا اپارىپ سوعۋى، ءتىپتى، زالالدى جۇرەك قان تامىرى وقياعاسىن تۋدىرۋى مۇمكىن. الىس ساپارعا شىعاردان بۇرىن، الىس ساپاردان قايتىپ كەلگەننەن كەيىن بىرنەشە اپتا ىشىندە قان قىسىمىن ولشەۋ جيىلىگىن ارتتىرۋعا كوڭىل ءبولىپ، قان قىسىمى وزگەرىسىن دەر كەزىندە ءبىلىپ تۇرۋدى ۇسىنامىز. ەگەر قان قىسىمىندا ەداۋىر تولقۋ تۋىلاتىن بولسا، قىسىمدى تومەندەتۋ بويىنشا ەمدەلۋ كۇشەمەلىلىگىن ءدال ۋاعىندا رەتتەۋى قاجەت.
(كەلۋ قاينارى: شينجياڭ گازەتى ۋيشين تۇعىرىنان)
تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.