وزگەشە جۇڭچيۋ

□しろいしかく انار بۇلت \ شينجياڭ گازەتىنىڭ ٴتىلشىسى ٴپاريزات ابدۇل

گۇلدەر جايناپ، اي تولدى، تاعى ٴبىر جۇڭچيۋ كەلدى. شينجياڭنىڭ بايتاق دالاسىندا گۇل ـ بايشەشەك قۇلپىرىپ، ٴان شىرقالىپ، شاتتىق لەبى ەستى.

بىرگە كۇلشە جاساپ، بىرگە ٴان شىرقاپ، ٴبىر قازاننان تاماقتانىپ، ٴبىر جەردە ساياحاتتاپ، ايدى بىرگە تاماشالادى... وسى ساتتە، تيانشان الابىنداعى قىستاقتا تۇراتىن كادرلار، شينجياڭعا كومەككە كەلگەن كادرلار، شينجياڭعا كەلىپ قارجى قوسىپ شارۋاشىلىق قۇرۋشىلار، سىرت جەرلەردەن كەلگەن ساياحاتشىلار، سونداي ـ اق قىزمەت ورنىنان تاپجىلماعان ەڭبەكشىلەر شينجياڭداعى ٴار ۇلت بۇقاراسىمەن بىرگە وزگەشە تاسىلمەن باس قوسۋدىڭ شاتتىعىن سەزىندى.

ايكۇلشەدەن باس قوسۋدىڭ ٴدامىن تاتتى

9 ـ ايدىڭ 14 ـ كۇنى حوتان قالاسى جييا اۋىلى شاح ٴمالى قىستاعىندا ايكۇلشەنىڭ حوش ٴيىسى اڭقىدى.

”الدىمەن، جاڭعاق ٴدانىن، مەيىزدى، روزا گۇلى قويمالجىڭىن، بالدى ارالاستىرىپ، قيماسىن ازىرلەيسىز، ونان سوڭ، ايكۇلشە قامىرىنا ٴتۇيىپ، قالىپقا سالىپ باسساڭىز بولدى، ايكۇلشە دايىن بولادى“. شاح ٴمالى قىستاعىنداعى حوتان مينحۋان ازىق ـ تۇلىك وڭدەۋ شەكتى سەرىكتەستىگىندە بالكۇلشە جاساۋشى ايشا ابەيبوللا قىستاقتا تۇراتىن قىزمەت اترەتىنىڭ مۇشەلەرى مەن قىستاق تۇرعىندارىنا ايكۇلشە جاساۋ ٴادىسىن كورسەتىپ جاتتى.

حوتان مينحۋان ازىق ـ تۇلىك وڭدەۋ شەكتى سەرىكتەستىگىن شينجياڭ ينجەنەريا شۋەيۋانىنىڭ قىستاقتا تۇراتىن قىزمەت اترەتى 2019 ـ جىلى كومەكتەسىپ قۇرعان. جۇڭچيۋ مەرەكەسى قارساڭىندا، سەرىكتەستىك 80 مىڭ يۋاندىق تاپسىرىس قابىلداپ، كەزەكتەن تىس ۇستەمە جۇمىس ىستەپ ايكۇلشە وندىرۋدە. وسى جاعدايدان حاباردار بولعاننان كەيىن، قىستاقتا تۇراتىن قىزمەت اترەتىنىڭ باستىعى شۇي حۇڭشياڭ قىستاقتا تۇراتىن قىزمەت اترەتىنىڭ مۇشەلەرى، قىستاق كادرلارى، ”ٴتورت ٴتۇرلى قارتتار“ بىرگە كاسىپورىننىڭ ايكۇلشە جاساۋىنا كومەكتەسىپ، جۇڭچيۋ مەرەكەسىن وزگەشە وتكىزۋدى ويلادى.

”ايكۇلشە جاساۋ بارىسىندا، كوپشىلىك اڭگىمەلەسە وتىرىپ ىستەپ، ساعىنىشتارىن قامىرعا ٴسىڭىرىپ، تىلەكتەرىن قيماعا توعىتتى، بۇل ٴبىر رەتكى ەرەكشە ٴماندى كەشىرمە، جاساعان ايكۇلشەلەر ٴتىپتى دە ٴدامدى بولدى“، ـ دەدى شۇي حۇڭشياڭ.

سول كۇنى قوبىقسارى موڭعۇل اۆتونوميالى اۋدانى قوبىقسارى قالاشىعى باعتس الەۋمەتتىك اۋماعىنان ويناقى ٴان ـ ٴبي ٴۇنى ەستىلدى، 30 نەشە ستۋدەنت ەرىكتى، تۇرعىندار ۋاكىلى ”سۇيىسپەنشىلىككە تولى جۇڭچيۋ مەرەكەسىن تىلگە تيەك ەتىپ، كورشى ـ قولاڭداردىڭ ٴبىر وتباسىنىڭ ادامدارىنداي باس قوسۋى“ تاقىربىنداعى جۇڭچيۋ قيمىلىن وتكىزىپ جاتتى.

ياڭ لينچي باتىس بولىك جوسپارىنىڭ ەرىكتىسى، بۇل ونىڭ شينجياڭدا وتكىزگەن 2 ـ جۇڭچيۋ مەرەكەسى، ”ايكۇلشە اۋىل ساعىنىشىنىڭ ەڭ تىكە دانەكەرىنە اينالدى“. ول بىلاي دەدى: الەۋمەتتىك اۋماق تۇرعىندارىمەن بىرگە ايكۇلشەدەن ٴدام تاتىپ، ٴان ايتىپ، ٴبي بيلەپ، وسى رەتكى جۇڭچيۋ مەرەكەسىنىڭ مەرەيىن اسىردىق، سونداي ـ اق وتباسى مەيىرىن سەزىنگەندەي بولدىم.

كوممۋنيستىك جاستار وداعى لياۋنيڭ ولكەلىك كوميتەتى ورەندەر ٴبولىمىنىڭ ارناۋلى مىندەتتەگى كادرى، لياۋنيڭ ولكەلىك پيونەرلەر اترەتىنىڭ باس جەتەكشىسى لو مان جانە شيحۋ قالاسىنداعى جاستار مەن ورەندەر وزگەشە جۇڭچيۋ مەرەكەسىن كۇنى بۇرىن وتكىزدى. بۇل جولى شيحۋ قالاسىنا كەلىپ، شيحۋ قالالىق وداق كوميتەتىمەن، پيونەرلەر قىزمەت كوميتەتىمەن بىرلەسىپ ’ۇيىمە كەلىپ ساڭزى جەڭىز، ۇيىڭىزگە بارىپ ايكۇلشە جەيىن‘ اتتى سۇيىسپەنشىلىكتى توعىستىرۋ قيمىلىن ورىستەتتىك، بۇل ماعان شينجياڭدىق بالالاردىڭ قاراپايىمدىلىعىن سەزىندىردى، كوپشىلىك وزگەشە ٴدامدى تاعامدارىن اۋىستىرىپ، ٴوزارا ويىن ويناپ، ارالاسۋدى، ىشتەسۋدى، توعىسۋدى جەبەپ، جۇڭحۋا ۇلتى بەرەكەلى شاڭىراعىنىڭ قويۋ رايىن قالىپتاستىردى“، ـ دەدى لو مان.

كورىكتى شينجياڭدا جۇڭچيۋ مەرەكەسىن وتكىزدى

9 ـ ايدىڭ 14 ـ كۇنى قاشقار بايىرعى قالاسى كورىنىس وڭىرىندە ادامدار قايشالىسىپ، شاتتىق لەبى ەستى. ايتكار الاڭىنان شىعىسقا قاراي جۇرگەندە، باقچي كوشەسىندەگى حالىقتىق تۇسەلحانا كوشەسىنىڭ ٴبىر جاعىندا قويۋ قوڭىر ٴتۇستى اعاش ەسىك جۇرتشىلىقتى وزىنە باۋرادى. مىڭ ٴبىر ٴتۇن جوبالاۋشىسى اتتى وسى حالىقتىق تۇسەلحانادا حۋ يۇيپىڭ جۇڭچيۋ دەمالىسىندا وسىندا قوناتىن قوناقتاردى قارسى الۋ ٴۇشىن قاربالاس بولىپ جاتتى.

” 9 بولمەگە تولىق تاپسىرىس بەرىلدى“. حۋ يۇيپىڭ تىلشىگە بىلاي دەدى: بولمەلەر جەرگىلىكتى از ۇلت ستيلى بويىنشا بەزەندىرىلگەن، جايشىلىقتا ٴبىز ٴاربىر بولمەگە قۇرعاق جەمىس پەن بالكۇلشە ٴتىزىپ قويامىز، جۇڭچيۋ دەمالىسى كەزىندە ٴبىز ەرەكشە ايكۇلشە ساتىپ الىپ بولمەگە قويىپ، قوناقتارعا وتباسى مەيىرىن سەزىندىرەمىز.

حۋ يۇيپىڭ مىڭ ٴبىر ٴتۇن جوبالاۋشىسى حالىقتىق تۇسەلحاناسىن جۇرگىزۋشى. 2023 ـ جىلدىڭ سوڭىندا بەيجيڭدە مۋزيكا جاسامپازدىعىمەن شۇعىلدانىپ كەلگەن حۋ يۇيپىڭ دوسىمەن بىرگە اۆتوموبيلدى ٴوزى ايداپ ساياحاتتاپ قاشقارعا كەلىپ، قاشقار بايىرعى قالاسى كورىنىس وڭىرىندەگى ٴبىر حالىقتىق تۇسەلحانادا جاتادى، ايرىقشا ۇلت ەرەكشەلىگىنە يە تۇرعىن ۇيلەر جانە وسى قالانىڭ گۋمانيتارلىق باۋرامدىلىعى ولاردى باۋراپ الادى، سونىمەن ولار قاشقاردا قالىپ حالىقتىق تۇسەلحانا اشۋعا بەكيدى. بيىل جىل باسىندا وسى حالىقتىق تۇسەلحانا جۇمىس باستادى.

قاشقار بايىرعى قالاسىندا تۇرمىس كەشىرگەندىگىنە جارتى جىلدىڭ ٴجۇزى بولدى، حۋ يۇيپىڭ ٴوزىن وسى ارانىڭ ٴبىر مۇشەسىندەي سەزىندى. ”جۇڭچيۋ دەمالىسىندا حالىقتىق تۇسەلحانادا شاعىن كونسەرت وتكىزىپ، جۇڭچيۋ مەرەكەسىن اناعۇرلىم باي مازمۇندى ەتپەكشىمىز“، ـ دەدى ول.

بۇل جولعى جۇڭچيۋ دەمالىسىندا تۇرلىشە جەرگىلىكتى اكسەنتتە سويلەيتىن ساياحاتشىلار جۇڭچيۋ مەرەكەسىن شينجياڭعا كەلىپ وتكىزۋدى تاڭدادى.

9 ـ ايدىڭ 14 ـ كۇنى تاڭەرتەڭ ەرتە چيڭحايلىق ساياحاتشى گو چيڭلان ٴۇي ىشىندەگىلەرمەن جۇڭگو _ قازاقستان قورعاس حالىقارالىق شەكارالىق سەلبەستىك ورتالىعىنا كەلدى. ”ٴبىز 20 نەشە كۇندىك ساياحات ۇيىرمەسىنە تىزىمدەلدىك، وڭتۇستىك، سولتۇستىك شينجياڭعا تۇگەل بارماقشىمىز، شينجياڭدا جۇڭچيۋ مەرەكەسىن وتكىزۋ، شىنىمەن، كەرەمەت“. گو چيڭلان: ”سايرام كولىنە، قازانشى حالىقتىق سالت ـ سانا ساياحات وڭىرىنە بارىپ، ٴان ـ بيلەردى تاماشالاپ، ٴدامدى تاعامداردان اۋىز تيدىك، بۇل بىزگە تەرەڭ اسەر قالدىردى، كورىكتى شينجياڭ ساياحاتتاۋعا توتەنشە تاتيدى“، ـ دەدى.

قىزمەت ورنىندا ۇلەس قوستى

جۇڭچيۋ دەمالىسىندا شامداردىڭ جارقىراۋىن ٴار كاسىپ، ٴار سالاداعى ەڭبەكشىلەردەن، كۇزەتشىلەردەن بولە قاراۋعا بولمايدى...

”جۇڭگونىڭ باتىس ۇيەگى“ ۇلۇقشات اۋدانى ەركەشتام شەكارا وتكەلى باقشا رايونىندا شينجياڭ حانجيە جاساۋ شەكتى سەرىكتەستىگىنىڭ موتوتسيكل قۇراستىرۋ ـ ٴوندىرۋ جەلىسىندە ٴبىرىڭعاي جۇمىس كيىمىن كيگەن جۇمىسشىلار قولدارىنا جابدىقتارىن ۇستاپ جۇرەلەي وتىرىپ نەمەسە تىك تۇرىپ، الۋان ٴتۇرلى ۇساق بولشەكتەردى ەپپەن موتوتسيكلگە قۇراستىرىپ جاتتى.

”وسى توپتاعى 480 موتوتسيكلگە وزبەكستان تاپسىرىس بەرگەن، 100 نەشەسى جونەلتىلدى، قالعانى جىل سوڭىنان بۇرىن قۇراستىرىلىپ جونەلتىلەدى. مۇنان سىرت، تاعى 1000نان استام دالالىق موتوتسيكل تاپسىرىسى بار، بولشەكتەر كەلگەننەن كەيىن قاۋىرت ٴوندىرىس جۇرگىزۋگە تۋرا كەلەدى“. شينجياڭ حانجيە جاساۋ شەكتى سەرىكتەستىگىنىڭ القا باستىعى حى جيان وسى جۇڭچيۋ دەمالىسىندا توتەنشە قاربالاس بولاتىندىقتارىن ايتتى.

بۇل سەرىكتەستىك ەركەشتام شەكارا وتكەلى باقشا رايونى 2023 ـ جىلى ساۋداگەر شاقىرىپ قارجى ەنگىزۋ ارقىلى تىزىمگە تىركەلىپ قۇرىلعان، موتوتسيكل قۇراستىرۋدى، موتوتسيكل بولشەكتەرىن اشۋدى، بالون جاساۋ جانە ەلەكترسيكل جاساۋدى نەگىز ەتكەن كاسىپورىن. ”بۇل ارانىڭ شەكارا وتكەل باسىمدىعىن ۇناتىپ، ۇلۇقشات اۋدانىنا ىرگە تەپتىك، جەرگىلىكتى ۇكىمەت تە توتەنشە تاماشا قىزمەت وتەدى، كەزەكتە 2 جاساۋ كاسىپورنىن قۇردىق“. حى جيان جۇڭچيۋ دەمالىسىندا وسى 2 توپتاعى ورتا ازيا تاپسىرىسىن ويداعىداي ورىنداۋ كەرەكتىگىن ايتتى.

ٴتۇيىندى قۇرىلىس ورىندارىندا شايقاس جاساپ جاتقان قۇرىلىسشىلار، ۇلكەندى ـ كىشىلى كوشەلەردە شاپقىلاپ جۇرگەن جەدەل جەتكىزۋشىلەر، قۇمدى ٴشولدىڭ تەرەڭ قويناۋىندا تاپجىلماعان تەكسەرۋشى جۇمىسشىلار... جۇڭچيۋ دەمالىسى كەزىندە ولار ەڭ جان تەبىرەنتەرلىك كورىنىسكە اينالدى.

تەلەسكوپپەن تەمىر مۇناراداعى ۆەنتتى، ەلەكتر سىمى قىسقىشىن باقىلاپ، مۇنارا ماتەريالىنىڭ تۇتاسۋى بەرىك پە، جوق پا دەگەندى قاداعالاپ تەكسەردى... مەملەكەتتىك ەلەكتر تورى حوتان ەلەكترمەن قامداۋ سەرىكتەستىگى ەلەكتر جەتكىزۋدى تەكسەرۋ ورتالىعىنىڭ قىزمەتكەرى ۋ فۋفا مەن قىزمەتتەسى الىمجان ٴماتتۇرسۇن جۇڭچيۋ دەمالىسى كەزىندە تاكلاماكان ٴشولىنىڭ تەرەڭ قويناۋىندا جەلىنى شارلاپ تەكسەرەدى. ”بۇل جەلى حوتان قالاسىنىڭ سولتۇستىگىندە، حوتان قالاسىنىڭ باتىس بولىگى مەن سولتۇستىك بولىگىن ەلەكترمەن قامداۋدى قامتاماسىز ەتەتىن ماڭىزدى جەلى، مەرەكە دەمالىسى كەزىندەگى ەرەكشە شارلاپ تەكسەرۋ قىزمەتى توتەنشە ماڭىزدى“، ـ دەدى ۋ فۋفا.