شوعىرلى جونگە سالادى! 8 – ايدىڭ 8 – كۇنىنەن باستاپ اشكەرەلەۋدى قابىلداپ ءبىر جاقتى ەتەدى

8 – ايدىڭ 1 – كۇنى مەملەكەتتىك راديو – تەلەۆيزيا باس مەڭگەرمەسى ءماجىلىس اشىپ، ءدارى – دارمەكتەردى جالعان جارنامالاۋدى شوعىرلى جونگە سالۋ قىزمەتىن باستاعان.

ماجىلىستە تۇراقتاندىرىلۋىنشا، شوعىرلى جونگە سالۋ قىزمەتى ەكى كەزەڭگە ءبولىنىپ ىلگەرىلەتىلەدى:

2025 – جىلى 12 – ايدىڭ سوڭىنان بۇرىن، ولكە دارەجەلى جاساندى سەرىكتىك تەلەۆيزور كانالدارى نەگىز ەتىلىپ، ءدارى – دارمەكتەرگە قاتىستى جالعان جارنامالار جاپپاي الاستالادى؛ ولكە دارەجەلى ستانسيالاردىڭ جەر بەتىندىك كانالدارىن، ايماق – قالا دارەجەلى ستانسيالار مەن اۋدان دارەجەلى ستانسيالاردى جونگە سالۋ قىزمەتى دە سونىمەن ءبىر ۋاقىتتا ورىستەتىلەدى ءارى كورنەكتى ونىمدىلىككە قول جەتكىزىلەدى.

2026 – جىلى 6 – ايدىڭ سوڭىنان بۇرىن، ولكە دارەجەلى ستانسيالاردىڭ جەر بەتىندىك كانالدارى، ايماق – قالا دارەجەلى ستانسيالار مەن اۋدان دارەجەلى ستانسيالار باستى ءتۇيىن ەتىلىپ، ءدارى – دارمەكتەرگە قاتىستى جالعان جارنامالار جاپپاي الاستالادى، سونىمەن بىرگە، ولكە دارەجەلى جاساندى سەرىكتىك كانالداردا بۇل ماسەلەنىڭ قايتا باس كوتەرۋىنەن ساقتانۋ قىزمەتى ورىستەتىلەدى.

مەملەكەتتىك راديو – تەلەۆيزيا باس مەڭگەرمەسى ءدارى – دارمەكتەرگە قاتىستى جالعان جارنامالارعا ساياتىن شاعىم ايتۋ - اشكەرەلەۋ مەحانيزمىن ورناتىپ، 8 – ايدىڭ 8 – كۇنىنەن باستاپ، تەلەفون، ەلەكتروندىق حات، ينتەرنەت پاراقشاسى، ۋيشين الەۋمەتتىك تەكشەسى قاتارلى ءتۇرلى جولدار ارقىلى قوعامداعىلاردىڭ شاعىم ايتۋىن، اشكەرەلەۋىن دەر كەزىندە قابىلداپ ءبىر جاقتى ەتەدى. ءارقايسى ولكەلەردەگى راديو – تەلەۆيزيا مەكەمەلەرى 8 – ايدىڭ 8 – كۇنىنەن باستاپ، ينتەرنەت پاراقشالارىندا شاعىم ايتۋ - اشكەرەلەۋ ارناسىن ورناتىپ، شاعىم ايتۋ - اشكەرەلەۋ تەلەفونىنىڭ ءنومىرىن جاريالايدى. بارشا كورەرمەندەر ءار دارەجەلى راديو – تەلەۆيزيا ستانسيالارىنىڭ ءدارى – دارمەككە قاتىستى جالعان جارنامالاردى جاريالاعانىن بايقاسا، جوعارىداعى ارنالار ارقىلى شاعىمدانۋىنا، اشكەرەلەۋىنە بولادى.

كەلۋ قاينارى: حالىق تورابى