Täschnek/Rondschrihve/2015/40
From Meta, a Wikimedia project coordination wiki
This page is a translated version of the page Tech/News/2015/40 and the translation is 100% complete.
De wöschentlesche Täschnesche Rondschrihve hällefe, de neuste Äntweklonge vun de ẞoffwäer med_ze_krijje, woh ed johd müjjelesch es, dat di eine sällver beröhre wähde udder de Minsche, met dänne mer em Ömväld vum Wikkimehdija ze donn hät.
Abonnehre, Beijdrahre udder Röckmäldonge jävve.
Other languages:
Dat heh es et neuste täschnesche Rondschrihve uß de Täschnekerjropp vun de Wikkimehdija Schteftong. Sidd esu johd un dohd de anndere Metmaacher doh dröver ennfommehre un maht se op de Veränderonge opmärksahm. Künnt sinn, nit alles betreff jehder_eijn. Mer han och noch mih Översäzonge.
Neuste Änderonge
- Em Zohsatzprojramm för Datteije huhzelahde es dä Kaßte för e Belld ze betraachte nimmieh. Mer sühd_et Belld ald_als en Minnibelldsche beim Huhlahde. [1]
- Em Zohsatzprojramm för Datteije huhzelahde sinn de Käßte met de Ennjahbe jäz jädd_angersch uß. Se woodte op dat neueje OOUI ömmjeschtallt. [2]
- Jäz kam_mer Mussiknuhte em VisualEditor beärrbeijde. Mer kann neuje Nuhtereihje un Pattituhre ennjävve un se beim Beärbeijde tiräk obb_enne neuje Schtand bränge lohße. [3]
- Wam_mer ene Breef övver de e-mail aan ene anndere Schrihver övver di Sigg Special:EmailUser verschek, kritt dä jäz orr_en Meddeijlong em Wikki doh drövver. [4]
- Mer kann jäz fönnefhonndert Bellder betraachte beim Huhlahde vun Flickr mem Zohsazprojramm zom Datteije huhlahde. Zevör wohre et blohß fuffzisch. [5]
- De Mailengleßte vun de Wikkimehdija Schtefftong sin obb ene neuje Schtannd jebraat. [6]
- De Äntwekler vum MehdijaWikki han ene Daach lang dorsch de vörjeschlahre Änderonge em Järrit jelort. Et Zihl derbei wohr, de lijjejeblevve Saache opzerühme, un de Freiwellejje en Rökmälldong ze jävve. [7]
Problehme
- Mansch Eijne hatt Problehme, op de ẞööver vun de Wikkimehdija Schtefftong ze kumme, för en Schtond lang, aam vierenzwanzeschßte Säptämber. [8] [9]
Änderonge diß Woch
- De neuje Väsjohn vum MehdijaWikki küdd op de Wikkis zom Ußprobehre un op
MediaWiki.orgvum nüngenzwanzeschßte Säptämber aan. Op alle Wikkis ußer de Wikkipehdija kütt se vum drißßeschßte Säptämber aan. Op alle Wikkis vun de Wikkipehdija kütt se vum eezte Oktohber aan. Mer kann och em Kaländer dernoh lohre. - En neuje Müjjeleschkeid för zom Ußprobehre kütt, esu dat Metmaacher dat Zohsazprojramm Flow op iere Klaafsigg bruche künne, wann se welle. Jehdes Wikki kann äntscheijde, of se di enschallde welle. [10]
- Dat Wärkzüsch zom Enhaltssigge Övversäze kann Vörschlähsch för Övversäzonge ußjävve. Dat weed jäz en mih Schprohche müjjelesch sin: Änglesch, Franzühsesch, Schpahnesch, Rußßesch, Schinehsesch, Törkesch, Japahanesch, Etalljähnesch, un Kattalohnesch. [11]
Träffe
- Övver dä Prozäß vun de Schtrattejih vun de Affdeijlong för et Lässe vun de Tächneker vun de Wikkimehdija Schtefftong kam_mer metklaafe. [12]
- Mer kann sesch en et nähkßte Träffe vum Editing Team ennklengke. Op däm Träffe kam_mer de Äntwekler verzälle, wat de weeschteschste Fähler ov Onvullkummeheite sin, di noch reparehrt wähde möße. Mer treff sesch aam nüngenwzanzeschste Säptämber em Johr 2015 öm sibbe Uhr ohvends (UTC). Mer beede och en Sigg, di säht, wi mer derbeikumme un metmaache kann.
Änderonge en de Zohkonnef
- De Äntwekler vun de Wikkimehija Schtefftong welle, dat de Jemeijnschaffte könftesch drövver äntscheijde sulle, wää OAuth nözze künne sull. Dat kam_mer om MettaWikki beklaafe.
De wöschentlesche Täschnesche Rondschrihve wähde zerrähsch jefröhnßeld vun de täschnesche Bottschaffter un verdeijld pä Bot • Beijdrahre • Övversäzze • Hölp holle • Rökmäldonge afjävve • Abbonnehre udder Afbeschtälle.