ഉണ്ണി കുമാർ

കോട്ടപ്പുറം ശ്രീശൈലം അപ്പാർട്ട്മെന്റിൽ താമസിച്ചിരുന്ന ഉണ്ണികുമാർ ദീർഘകാലം ശങ്കരയ്യ റോഡിലെ തറവാട്ടുവീട്ടിലായിരുന്നു താമസിച്ചിരുന്നത്. 1989-ൽ "വശ്യമന്ത്രം", ഭഗവതിപുരത്തെ കാണേണ്ട കാഴ്ച്ചകൾ" എന്നീ സിനിമകൾക്കും 2010- ഇറങ്ങിയ ലോകത്തിലെ ആദ്യത്തെ മൊബൈൽ ഫോൺ സിനിമ "ജലച്ചായത്തി"നും സംഗീതസംവിധാനം നിർവ്വഹിച്ചിട്ടുണ്ട്. മിന്നുകെട്ട് സീരിയലിൻറെ പോസ്റ്റ് പ്രൊഡക്ഷൻ ഡയറക്ടറായും പ്രവർത്തിച്ചിട്ടുള്ള ഇദ്ദേഹം, എൺപതുകളിൽ , തൃശ്ശൂർ ശങ്കരയ്യറോഡിലെ റെഡ് സ്റ്റാർ ക്ലബ്ബിനെ കേന്ദ്രീകരിച്ചു പ്രവർത്തിച്ചിരുന്ന സപ്തസ്വര നാടക ട്രൂപ്പിൻറെ സംഗീത സംവിധായകനായിരുന്നു. പുത്തുർ വീട്ടിൽ ഉണ്ണികുമാർ (70) തൃശൂരിലെ സ്വകാര്യ ആശുപത്രിയിൽ ഒക്ടോബർ 19,2020രാത്രി 10.30 ന് അന്തരിച്ചു .ഭാര്യ: താരാദേവി (അന്തരിച്ചു). മക്കൾ: ശിവരഞ്ജിനി, ശിവദേവ്‌, ശിവപ്രിയ..