പൂവേ പൂന്തളിരേ

പൂവേ പൂന്തളിരേ
തേനേ തെന്മലരേ
ഉറങ്ങുറങ്ങൂ ആരുയിരേ
അരീരംരാരോ രാരിരാരോ
(പൂവേ...)

പൂങ്കിനാവിൻ പൂന്തിരകൾ
കരളിനുള്ളിൽ കണ്ടൊരെൻ കണ്ണല്ലേ
ജീവിതമാം പാഴ്‌വനിയിൽ
താനേ വന്നു നീ
ഇനിയെല്ലാം എല്ലാം നീയല്ലോ
എല്ലാം നീയല്ലോ
ഉറങ്ങുറങ്ങൂ ആരുയിരേ
അരീരംരാരോ രാരിരാരോ
(പൂവേ...)

തോരുകില്ലെൻ കണ്ണിണകൾ
തീരുകില്ലെൻ നോവുകൾ പുന്നാരേ
നീ വളരും നാൾവരെ ഞാൻ
നീന്താം കണ്ണീരിൽ
എനിയ്ക്കെല്ലാം എല്ലാം നീയല്ലോ
എല്ലാം നീയല്ലോ
കഥപറയും കായലാണെൻ
ഹൃദയമെന്നും
(പൂവേ...)