പ്രേമാഞ്ജനക്കുറി മായുകില്ല

പ്രേമാഞ്ജനക്കുറി മായുകില്ല
രോമാഞ്ചമേകിയണിഞ്ഞതല്ലേ
കാലം കരിതേച്ചു മായ്ച്ചാലും
അഴിയാതെന്നുള്ളിൽ തെളിഞ്ഞു നിൽക്കും (പ്രേമാഞ്ജന..)

ഭൂതകാലത്തിലെ കല്പവല്ലി
ഭാവിയിൽ മുന്തിരിച്ചാറു നൽകും
നാളത്തെ ഗതികൾ മാറിയാലും
ഞാനിതിൽ നിന്നൊളിച്ചോടുകില്ല
(പ്രേമാഞ്ജന..)

പ്രേമാംബരത്തിലെ അമ്പിളിയെ
കാർമുകിൽ മൂടി മറച്ചാലും
എൻ രാഗമന്ദമരുത്തു മെല്ലെ
വീശുമ്പോഴെല്ലാം അകന്നു പോകും
(പ്രേമാഞ്ജന..)