സ്വാതന്ത്ര്യത്തിൻ താളങ്ങൾ

സ്വാതന്ത്ര്യത്തിൻ താളങ്ങൾ
ഓളത്തിൽ കാതിൽ ചേരുന്നേ
മിണ്ടും പെണ്ണിൻ ചേലിന്റെ
വർണ്ണങ്ങൾ കണ്ണിൽ മിന്നുന്നേ
പയ്യെ പയ്യെ സൂര്യൻ മിന്നുന്നേ
വാനം മൂടും മേഘം മാറിപ്പോകുന്നേ
കാറും കോളും എല്ലാം ഓടിപ്പോകുന്നേ
നല്ല കാലവും തിരികെയായി
കാണാ ചെല്ലക്കാറ്റേ മിണ്ടാൻ പോരുന്നില്ലേ
ചുറ്റി പാറുന്നില്ലേ
ഇനി ചൂളം മൂളിപ്പാടുന്നില്ലേ

കണ്ണുംമൂടി നിന്നേ
ലോകം മാറിപ്പോയേ
സ്വപ്നംകാണും മേട്ടിൽ
മോഹപ്പൂവും പൂത്തേ
ഉള്ളിൽ നീളേ വാർമഴവില്ലൊരു വീടും മേയുന്നേ
പയ്യെ പയ്യെ മുന്നിൽ സൂര്യൻ മിന്നുന്നേ
വാനം മൂടും മേഘം മാറിപ്പോകുന്നേ
കാറും കോളും എല്ലാം ഓടിപ്പോകുന്നേ
നല്ല കാലവും തിരികെയായി
കാണാ ചെല്ലക്കാറ്റേ താളംതെറ്റിപ്പാടുന്നില്ലേ
ചുറ്റി പാറുന്നില്ലേ
ഇനി ചൂളം മൂളിപ്പാടുന്നില്ലേ