Sondag: 07:10 - 08:00

Ds. Carel van der Merwe van Worcester gesels oor sy reis van plaasbestuurder tot diensleraar. Skrywer Ilse Roux gesels oor die Bybelse vas. Ds. Juanita Greyvenstein van die Kruger Wildtuin-gemeente vertel van hulle omgewing.

Sondag: 10:05 - 10:30

In die aanloop tot die feesvierings om Afrikaans se 100-jarige bestaan as amptelike taal te vier, val die fokus op ‘n projek oor vroeë gesproke Afrikaans, en die tekste van die jare 1820 en verder. Die vryskutakteur, Zach Botha, vertel vir Ina Strydom waar die belangstelling vandaan kom, en wat die projek behels.

Sondag: 10:30 - 11:00

Het jy geweet dat voëls tande gehad het? Hoekom het hulle die tande verloor, en opgeëindig met ‘n snawel Waar kom kleremotte vandaan? Hoe kan mens ontslae raak van hulle sonder om naftaleen te gebruik?

Sondag: 11:05 - 11:30

Dr. Hanri Kriel praat oor die impak van Miller-sindroom op die mens en sy ongewing. Sy vertel van die uitsluiting wat betrokkenes ervaar, en hoe sy steeds aanhou om haar plek vol te staan. Ons hoor ook van ‘n passievolle vrywilliger wat, ná 35 jaar, vertel van haar ervarings, bydrae en fondsinsamelingsprojekte vir ‘n projek wat al oor die 60 jaar oud is.

Sondag: 11:30 - 12:00

Jody Hendricks praat met arbeidskenner Chris Marias oor die bestuur van geestesgesondheidsbeleid in die werksplek. Wat is die verantwoordelikhede van werknemers en werkgewers?

Sondag: 18:10 - 18:30

Johan van Lill praat met prof. Ignatius Gous oor die impak van kunsmatige intelligensie op leer en assessering. Hoe beïnvloed kunsmatige intelligensie die manier waarop ons vrae vra?

Sondag: 19:00 - 19:30

Hoe goed of sleg is die koms van kunsmatige intelligensie vir die Kerk in sy opleiding en bedieninge?

Sondag: 19:30 - 20:00

Nadat Lafras Smit ons vertel het van die hoogtepunte wat die April-nagte vir ons inhou, beantwoord ons ’n opvolgvraag oor wentelbane; ons kyk hoe Saturnus skielik 128 nuwe mane bygekry het; en gesels oor ’n onlangse sonsverduistering, gesien vanaf die maan, deur die Blue Ghost-maantuig.

Sondag: 21:10 - 23:00

Luister na items uit Die Barbier van Siviglia van Rossini, Idomeneo en Die Huwelik van Figaro van Mozart, Mignon van Thomas, Die Pêrelvissers van Bizet, Der Freischütz en Oberon van Weber en Die Meistersinger von Nürnberg van Wagner. Van die sangers is Jonas Kaufmann, Beniamino Gigli, Kathleen Battle, Renee Fleming en Andreas Schmidt.