Click on a word to bring up parses, dictionary entries, and frequency statistics
1. Maior pars mortalium, Pauline, de naturae
malignitate conqueritur, quod in exiguum aevi gignamur, quod haec tam velociter, tam rapide dati nobis
temporis spatia decurrant, adeo ut exceptis admodum
paucis ceteros in ipso vitae apparatu vita destituat.
Nec huic publico, ut opinantur, malo turba tantum
et imprudens 1 volgus ingemuit; clarorum quoque
virorum hic affectus querellas evocavit. Inde illa
maximi medicorum exclamatio est: 'vitam brevem
esse, longam artem ';
[2]
inde Aristotelis cum rerum
natura exigentis minime conveniens sapienti viro
lis : ' aetatis illam animalibus tantum indulsisse, ut
[p. 288]
quina aut dena saecula educerent, homini in tam
multa ac magna genito tanto citeriorem terminum
stare.'
[3]
Non exiguum temporis habemus, sed multum perdimus. Satis longa vita et in maximarum
rerum consummationem large data est, si tota bene
collocaretur ; sed ubi per luxum ac neglegentiam
diffluit, ubi nulli bonae rei impenditur, ultima demum
necessitate cogente quam ire non intelleximus
transisse sentimus.
[4]
Ita est : non accipimus brevem
vitam, sed facimus, nec inopes eius sed prodigi sumus.
Sicut amplae et regiae opes, ubi ad malum dominum
pervenerunt, momento dissipantur, at quamvis
modicae, si bono custodi traditae sunt, usu crescunt»
ita aetas nostra bene disponenti multum patet.
1 imprudens inferior MSS.: impudens A.
Creative Commons License
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.
References (2 total)
- Cross-references in general dictionaries to this page
(2):
- Lewis & Short, căthē^drārĭus
- Lewis & Short, contrā
Vocabulary Tool
Search
Stable Identifiers
Display Preferences