Í október 2017 beindi Samkeppniseftirlitið tilmælum til heilbrigðisráðuneytisins um að jafna starfsumhverfi einkarekinna og opinberra heilsugæslustöðva. Tilefni tilmælanna voru athugasemdir sem höfðu borist frá einkareknum heilsugæslustöðvum um samkeppnislega mismunun. Í bréfinu var jafnframt fjallað um þær breytingar sem höfðu orðið á heilsugæslukerfinu á höfuðborgarsvæðinu og mikilvægi þess að notendur heilsugæslustöðva geti flutt sig á milli heilsugæslustöðva óháð rekstrarformi þeirra og þannig skapað hvata fyrir stöðvarnar til að bæta þjónustu, skilvirkni og hagkvæmni í kerfinu.

Í tilefni af 20 ára afmæli Samkeppnieftirlitsins bauð stofnunin til opins fundar í Hörpu 22. október 2025 undir yfirskriftinni: Mikilvægi samkeppninnar - Hvað getum við lært af reynslunni og hvert skal stefna? Um 130 þátttakendur mættu í Hörpu auk þess sem viðburðinum var streymt beint hjá Heimildinni og mbl.is.

Embætti héraðssaksóknara framkvæmdi í dag húsleitir og aðrar aðgerðir til þess að afla gagna og upplýsinga vegna ætlaðra brota tveggja fyrirtækja á markaði fyrir úrgangsþjónustu á samkeppnislögum. Rannsóknin beinist að ætluðum brotum starfsmanna fyrirtækjanna og grundvallast á kæru Samkeppniseftirlitsins.

Þann 23. maí 2025 tók Páll Gunnar Pálsson, forstjóri Samkeppniseftirlitsins, þátt í málstofu á Samorkuþingi á Akureyri. Málstofan bar yfirskriftina „Hlutverk eftirlits með samkeppni á raforkumarkaði". Einnig tóku þátt Árni Páll Árnason, varaforseti Eftirlitsstofnunar EFTA, og Hanna Björg Konráðsdóttir, deildarstjóri raforkueftirlits Orkustofnunar. Katrín Helga Hallgrímsdóttir, lögfræðingur Samorku, stýrði fundi.

Pistill þessi byggir á innleggi Páls Gunnars Pálssonar, forstjóra Samkeppniseftirlitsins, á opnum fundi Félags atvinnurekenda um samkeppni og matarverð, sem haldinn var 27. febrúar 2025.