Vikipedio:Ĉefpaĝo

Esperanta Vikipedio

Esperanta Vikipedio estas projekto de kunlabora enciklopedio, universala kaj plurlingva, kreita interrete laŭ la vikio-principo. Ĝi celas liveri en Esperanto liberan, objektivan kaj kontroleblan enhavon, kiun ĉiuj povas redakti.

La projekto estas difinita de la kvin principoj. La enhavo estas disponigata sub la permesilo Krea Komunaĵo Atribuite-Samkondiĉe kaj oni povas kopii kaj reuzi ĝin sub la sama permesilo — eĉ por komercaj celoj — nur respektante la uzkondiĉojn.

Ĉiuj redaktantoj de Esperanta Vikipedio estas volontuloj. Ili partoprenas en la kunlaborema komunumo, sen estro, kie la anoj kunordigas siajn strebojn kadre de temaj projektoj kaj pluraj diskutejoj. Ili sekvas la bazajn regulojn establitajn de la komunumo, ekzemple kontrolebleco de la informo aŭ la menciindeco de la temo.

Inter la diversaj helpopaĝoj disponeblaj al uloj interesataj kontribui, estas la paĝoj, kiuj instruas kiel krei paĝon aŭ kiel redakti paĝon. Se vi havas demandojn, ne hezitu demandi.

Esperanto kaj Libera Scio

Esperanto kaj Libera Scio estas grupo de Esperanto-parolantaj vikimedianoj. Fondaĵo Vikimedio, kiu funkciigas libersciajn kunlaborajn projektojn inkluzive de la Vikipedio en Esperanto, rekonis ELiSon kiel sian oficialan uzantogrupon (Wikimedia User Group) la 4-an de aprilo 2013. Ĉefa celo de la grupo estas kunigi la Esperanto-parolantojn, kiuj kontribuas al Vikipedio kaj aliaj vikimediaj projektoj aŭ alimaniere deziras subteni liberan scion.

• Dunianto estas nova planlingvo, kiu transprenas la regulan gramatikon de Esperanto kaj kombinas ĝin kun tutmondeca vortprovizo, en kiu reprezentiĝas la plej parolataj lingvoj de Azio, Afriko, Eŭropo, Ameriko kaj Oceanio.
• La oficiala pilko de la Futbala Mondpokalo 2022 surhavas tekston en Esperanto.
• Rano estis nomita laŭ klimata aktivulino Greta Thunberg.
• Eblas aŭskulti Vikipedion per programo Listen to Wikipedia .
• Por moki la argumentojn de la proparolantoj de inteligenta dezajno kaj kreismo, aperis Dio el spagetoj .
• Antikvegiptaj fabloj ne estis verkitaj uzante hieroglifojn.
• Nombro de lernantoj de la irlanda lingvo estas pli ol nombro de ĝiaj denaskaj parolantoj .
• San-Marino , laŭ legendo fondita en 301, foje estas konsiderata la plej malnova respubliko en la mondo, kun verŝajne la plej malnova leĝbazo de ĉiuj landoj.
• 7,7 milionoj da litroj da biero estis servitaj dum la la plej granda kermeso, la Oktobrofesto rande de la Esperantoplaco en Munkeno en 2013, probable rekordo (en 2022 estis 7,1 milionoj).
• Laŭ japana mitologio, tertremojn kaŭzas giganta katfiŝo , kiu loĝas en la tero sub la insuloj de Japanio.
• Kelkaj lingvoversioj de Vikipedio (ĉeĥa, slovaka, oseta, svahila) estis fonditaj fare de esperantistoj.
• Mikronacio ne volas ke ĝiaj civitanoj vizitu ĝian teritorion.